Semeıde sottalǵandar eko-oıynshyqtar jasaýda
2022 jylǵy 2 shilde 02:34

Semeıde sottalǵandar eko-oıynshyqtar jasaýda

SEMEI. QazAqparat – Semeı qalasyndaǵy túzetý mekemesinde sottalǵandar eko-oıynshyqtar jasaýmen aınalysýda, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, qatań rejımdegi OV 156/14 kolonııasynda sottalǵandar jumyspen qamtylyp, jalaqy alýda. Olar kóptiń qyzyǵýshylyǵyn týdyryp jatqan eko-oıynshyqtar jasaýmen aınalysa bastady.

«Sottalǵan azamattar óndiristik tsehta ekologııalyq taza materıaldan balalarǵa arnalǵan oıynshyqtar jasaýda. Bul oıynshyqtardy árbir ata-ana joǵary baǵalaıdy. Sebebi quramynda ýly komponentteri joq gıpoallergendi materıaldardan jasalatyn olar balaǵa óte paıdaly. Qolmen ustaǵanǵa jaǵymdy, ári ádemi kórinedi», - delingen aqparatta.


Túzetý mekemesinde osyndaı kásipti qolǵa alǵan Nurbol Serikqalıevtyń aıtýynsha, eko-oıynshyqqa degen suranys artyp keledi.

«Bul oıynshyqtar plastıkalyq analogtardan góri qymbatyraq. Negizinen eko -oıynshyq jasaý ıdeıasyn sottalýshylardyń biri oılap tapqan edi. Ol meniń tsehymda ekinshi jyl jumys istep keledi. Alǵashqy oıynshyq meniń «Instagram» paraqshamda satylymǵa shyǵaryldy», - dedi ol.


Uqsas jańalyqtar

Jańalyqtar

Úrdis

MURAǴAT