Semeıde ózenge sekirip ketken boıjetken qutqaryldy
2022 jylǵy 24 maýsym 22:30

Semeıde ózenge sekirip ketken boıjetken qutqaryldy

NUR-SULTAN. QazAqparat – Semeı qalasynyń qutqarýshylary Ertis ózeni boıyn patrýldeý kezinde batyp bara jatqan qyzdy baıqap, ony aman alyp qaldy, dep habarlaıdy QazAqparat oblystyq TJD baspasóz qyzmetine silteme jasap.

«Semeı qalasynyń qutqarýshylary Ertis ózeni (Shoqan Ýálıhanov pırsi) boıyn Prıstan aýdanynda patrýldeý kezinde batyp bara jatqan qyzdy kórip, oǵan kómekke keldi. Qaıyqpen jaqyndap, bortqa kóterip, jaǵaǵa shyǵardy. Qyzdy jedel járdem qyzmetkerlerine tabystap, olar medıtsınalyq kómek kórsetti. Oqıǵa ornyna kelgen týystarynyń aıtýynsha, 1999 jyly týǵan qyz ózdigimen Ertis ózenindegi beton plıtalarynan sýǵa sekirip ketken. Bul áreketiniń sebebi belgisiz», - delingen baspasóz málimdemesinde.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT