Semeıde osy jyly 62 kósheniń joly jóndeledi
2022 jylǵy 24 mamyr 04:38

Semeıde osy jyly 62 kósheniń joly jóndeledi

SEMEI. QazAqparat – Bıyl Semeı qalasynda 62 kóshege ortasha jóndeý jasalady, dep habarlaıdy QazAqparat tilshisi.

Qala ákiminiń málimetine súıensek, shahar basshysy Baqytjan Baıahmetov Parhomenko kóshesindegi jol jóndeý jumystaryn tekserip qaıtty.

«Bul joldy jóndeýdegi negizgi maqsat – kún saıyn júzdegen avtokólik júretin Qarjaýbaıuly kóshesindegi keptelisti azaıtý. Parhomenko kóshesinde joldyń nashar bolýyna baılanysty júrgizýshiler osy kóshemen júrmeýge tyrysatyn edi», - dedi ol.

Sondaı-aq Qarjaýbaıuly kóshesimen qıylysatyn Begalın kóshesin asfalttaý josparlanyp otyr. Barlyq jumystar aıaqtalǵannan keıin osy baǵytta avtokólikterdiń júrýi aıtarlyqtaı jeńildeıdi dep kútilýde.

Atalǵan ýchaskeden basqa, Ibraev, Máńgilik el, Sátbaev, Qabylbaev kósheleriniń joly jóndelip jatyr. Jalpy 2022 jyly uzyndyǵy 60 shaqyrymnan asatyn 62 kósheniń joly ortasha jóndeýden ótkizilmek.

Aıta keteıik, bıylǵy 8 maýsymnan bastap ortalyǵy Semeı qalasy bolatyn Abaı oblysyn qurý týraly QR Prezıdentiniń Jarlyǵy kúshine enedi.


Jańalyqtar

MURAǴAT