Semeıde kólikke qystyrylyp qalǵan eki adam qutqaryldy
2022 jylǵy 20 qańtar 14:31

Semeıde kólikke qystyrylyp qalǵan eki adam qutqaryldy

SEMEI. QazAqparat – Semeıde kólikke qystyrylyp qalǵan eki adam qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy 20 qańtarda túngi saǵat 01.00 shamasynda Semeıdegi Sátbaev kóshesinde bolǵan.

Nissan Almera markaly avtokólikti tizgindegen júrgizýshi rýlge ıe bola almaı qaldy. Sonyń saldarynan kólik jyraǵa qulap, aýdarylyp túsken.

«Jedel járdem qyzmetkerleri qutqarýshylarǵa habarlasyp, kólikte qystyrylyp qalǵan eki adamdy shyǵaryp berýlerin surady. Oqıǵa ornyna shuǵyl jetken TJD qyzmetkerleri apattyq-qutqarý quraldarynyń kómegi arqyly barynsha saqtyqpen avtokólikti kóterdi. Sodan soń zardap shegýshilerdi aman-esen shyǵaryp, dárigerlerge tapsyrdy», - dep habarlady vedomstvo ókilderi.


Jańalyqtar

MURAǴAT