Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Semeıde Ertis ózeniniń deńgeıi kóterildi

2022 jylǵy 26 qańtar 16:31

SEMEI. QazAqparat – Semeıde Ertis ózeniniń deńgeıi kóterildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 2022 jyldyń qańtar aıynda aýa raıy jaǵdaıyna baılanysty Semeıdegi Ertis ózeninde muz qatty. Osyǵan deıin júrgizilgen taldaý nátıjelerine sáıkes, ózendegi muz tek jeltoqsan aıynyń sońynda qatatyn edi.

«24 qańtarda Ertis ózeninde sý deńgeıi 363 sm-ge deıin kóterildi. Departament qyzmetkerleri dereý áreket etip, topyraqtan bóget ornatty. Sý basqan turǵyn úıler joq. Sýdyń bári shalǵyndy jerge ketti», - dep habarlady vedomstvo ókilderi.

Sondaı-aq qutqarýshylar men jergilikti atqarýshy organ ókilderi jaǵalaýdy nyǵaıtý jumystaryn júrgizdi. Qosymsha 120 tekshe metr ınertti materıal ákelingen.


Avtor:

Talǵatjan Muhametbekuly

Novostı po teme