Semeıde balalardyń shyǵarmashylyq saraıy kúrdeli jóndeýden ótýde

SEMEI. QazAqparat – Semeı qalasyndaǵy balalar shyǵarmashylyq saraıy kúrdeli jóndeýden ótýde, dep habarlaıdy QazAqparat tilshisi.

«Jumyspen qamtýdyń jol kartasy» baǵdarlamasy sheńberinde qalalyq balalar shyǵarmashylyq saraıynyń júzý basseıninde kúrdeli jóndeý jumystary júrgizilýde.

Ǵımarattyń shatyry men jeldetý júıesi aýystyryldy. Jóndeý jumysyna 237 mln teńge bólingen.

Jaýapty merdiger mekeme – «DORREMSLÝJBA-2» JShS.

«Búgingi kúni eden plıtalary men ǵımarat shatyry aýystyrylyp, syrtqy qabyrǵalary jóndeldi. Basseınniń barlyq tehnıkalyq bólmelerine jóndeý júrgizildi. Sýdy tazartý, jeldetý, jaryqtandyrý, sý qubyrlary men káriz júıesi tolyqtaı jańartyldy. Qazirgi ýaqytta joba aıaqtalýǵa jaqyn», – deıdi «DORREMSLÝJBA-2» JShS bas ınjeneri Rymtaı Saǵyndyqov.

Aıta keteıik, atalǵan jóndeý jumystary sáýir aıynda bastalǵan. Búgingi kúni jumys 90%-ǵa aıaqtaldy.

Jospar boıynsha nysan jeltoqsan aıynyń sońynda paıdalanýǵa berilmek.