Semeıde áskerı qyzmetshiler balalar úshin muz qalashyǵyn saldy
2022 jylǵy 4 qańtar 05:25

Semeıde áskerı qyzmetshiler balalar úshin muz qalashyǵyn saldy

SEMEI. QazAqparat – «Shyǵys»óńirlik qolbasshylyǵynyń áskerı qyzmetshileri balalarǵa arnap muz qalashyǵyn saldy, dep habarlaıdy QazAqparat tilshisi.

Semeı garnızony baspasóz qyzmetiniń málimetine súıensek, «Jastyq» áskerı qalashyǵy aýmaǵynda áskerıler muzdan labırınt jáne ertegi keıipkerleriniń músinderin jasady.

«Muz qalashyǵy jyl saıyn salynady. Bundaǵy maqsat – balalarǵa merekelik kóńil-kúı syılaý. Ony garnızonnyń áskerı bólimderiniń jeke quramy jasady. Qalashyqqa júz tekshe metrden astam qar men eki júz tekshe metr sý jumsalǵan», - delingen aqparatta.

Saltanatty ashylý rásimine eki myńnan astam bala qatysty. Olar úshin merekelik baǵdarlama, ystyq shaı jáne jylytý oryndary ázirlengen.


Jańalyqtar

MURAǴAT