+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Semeıde «Abaı joly» jaıaý júrginshiler kóshesi paıda bolady

2020 jylǵy 11 tamyz 14:33
Bólisińiz:
Semeıde «Abaı joly» jaıaý júrginshiler kóshesi paıda bolady

SEMEI. QazAqparat - Semeıde qyrkúıek aıynda «Abaı joly» jaıaý júrginshiler kóshesi paıdalanýǵa beriledi, dep habarlaıdy QazAqparat qalanyń Aqparattyq ortalyǵyna silteme jasap.

Uqsas jańalyqtar

«Abaıdyń 175 jyldyǵyna oraı Semeıdi aýqymdy ózgerister kútýde. Jańa Arbat ashylyp, Abaı men Muhtar Áýezov alańdary jáne ortalyq saıabaq jańartylady. Keıbir nysandardy Semeıge Qazaqstan qalalary syıǵa berýi josparlanǵan bolatyn. Biraq eki kún buryn BAQ-ta Qazaqstannyń birqatar oblystary Abaıdyń mereıtoıyna oraı Semeıge kómek kórsetýden bas tartqany týraly aqparat paıda boldy. Alaıda, ýádelerinen barlyq óńir bas tartqan joq», delingen habarlamada.

Qazirgi ýaqytta Almaty oblysy M.Áýezov pen Selevın kósheleriniń qıylysynan et kombınatyna deıingi «Abaı joly» jaıaý júrginshiler aımaǵyn qurýǵa kirisken. Búginde jumystyń 80% aıaqtaldy. Nysandy tapsyrý qyrkúıek aıynda josparlanǵan.

«Almaty oblysy jumystardyń barlyǵyn merziminde oryndaıdy. Biz «Abaı joly» nysany oryndap jatyrmyz. Qujat boıynsha jumys 18 qyrkúıekte aıaqtalýy tıis. Osy ýaqytqa deıin bári daıyn bolady, biz úlgeremiz. Jumys mamyr aıynyń sońynda bastalyp, búgingi kúnge deıin jumystyń 80% bitti», - dedi jumys óndirisiniń jetekshisi Rafaıl Hazıpov.

«Abaı joly» jobasy – uzyndyǵy 2 100 metr jaıaý júrginshi kóshesi. Oǵan uzyndyǵy 1 600 metr velojol kiredi, ol temirjol ótkelinen bastalyp, et kombınatynda aıaqtalady. Sondaı-aq, munda kúzde myńǵa jýyq aǵash otyrǵyzylady. Kóshe boıynda Abaıdyń sózderi jazylǵan jeti stela ornatylady.

«Tapsyrý kúnine bári daıyn bolady. Kóbinese jergilikti qurylys materıaldaryn qoldanyp otyrmyz. Tóselgen tastar, shamdar, oryndyqtar men qoqys jáshikteri osy Semeıdiki. Jıektas (bordıýr) Tekeli qalasynan ákelindi, sport jáne balalar alańdary Almaty jasalǵan. Velojoldy «Gordorstroı» kásiporny salady. Sonymen qatar, munda gúl men aǵash otyrǵyzylady», - deıdi Rafaıl Hazıpov.

Jalpy bul jobaǵa 600 mln teńgeden astam qarajat bólingen.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT