Semeıde 3 jasar bala segizinshi qabattan qulap ketti
2022 jylǵy 7 shilde 14:23

Semeıde 3 jasar bala segizinshi qabattan qulap ketti

SEMEI. QazAqparat – Semeı qalasynda 3 jasar bala segizinshi qabattaǵy páterdiń terezesinen qulap ketti, dep habarlaıdy QazAqparat tilshisi.

Oblystyq tótenshe jaǵdaılar departamenti baspasóz qyzmetiniń málimetine súıensek, oqıǵa 6 shilde kúni saǵat 13.00 shamasynda Sorokın kóshesinde bolǵan.

3 jasar bala kópqabatty turǵyn úıdiń segizinshi qabatynda ornalasqan páterdegi ashyq terezeden qulap ketti.

Sol bólmede bolǵan anasy kishi balasyn tamaqtandyryp jatqan. Onyń aıtýynsha, uly tereze ústinde oınap turǵan. Qazir sábı aýrýhanada jatyr. Jaǵdaıy aýyr.

«Kóp jaǵdaıda balalardyń terezeden qulaý sebepteri - tereze ashyq úıde qaraýsyz qalý, terezede qaýipsizdikti qamtamasyz etetin arnaıy temir tordyń jáne ózge de qurylǵylardyń bolmaýy, ústeldiń, oryndyq pen dıvannyń terezege jaqyn turýy. Sondaı-aq qorǵanysh bolyp kórinetin moskıt torlary da úlken qaýip tóndiredi», - dep habarlady vedomstvo ókilderi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT