Semeıde 3 jasar bala altynshy qabattan qulap mert boldy
2022 jylǵy 28 maýsym 10:17

Semeıde 3 jasar bala altynshy qabattan qulap mert boldy

SEMEI. QazAqparat – Semeı qalasynda 3 jasar bala altynshy qabattan qulap kóz jumdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 27 maýsym kúni saǵat 17-00 shamasynda Panfılov kóshesinde bolǵan. 6-qabatta ornalasqan páterdegi ashyq terezeden 3 jasar bala qulap kóz jumdy. Balanyń anasy sol ýaqytta kórshi bólmede bolǵan.

«Kóp jaǵdaıda balalardyń terezeden qulaý sebepteri - terezeleri ashyq úıde qaraýsyz qalý, terezelerde qaýipsizdikti qamtamasyz etetin arnaıy temir tordyń jáne ózge de qurylǵylardyń bolmaýy, tereze janynda ústeldiń, oryndyq pen dıvannyń ornalasýy. Sondaı-aq qorǵanysh bolyp kórinetin moskıt torlary da úlken qaýip tóndiredi», - dep habarlady vedomstvo ókilderi.

Osy rette, qutqarýshylar óńir jurtshylyǵyna qaýipsizdik sharalaryn únemi qaperde ustaý kerektigin eskertti.


Uqsas jańalyqtar

Jańalyqtar

Úrdis

MURAǴAT