Semeı turǵyny óz qarajatyna jaǵajaı salmaq
2022 jylǵy 7 shilde 04:01

Semeı turǵyny óz qarajatyna jaǵajaı salmaq

NUR-SULTAN. QazAqparat - Grek-rım kúresinen jattyqtyrýshy Erjan Ámirhanov óz qarajatyna jaǵajaı salmaq. Ol jaǵajaıǵa qajet jerdi de tańdap qoıǵan, dep habarlaıdy Habar24kz saıtyna silteme jasap.

Bapker jaqynda Ertiste sýǵa ketken jetkinshektiń óliminen keıin osyndaı oı kelgenin aıtady. Munda qutqarýshylar men medıtsına qyzmetkerleri kezekshilikte otyrady. Jaǵajaıdyń aýmaǵy shamamen 2 gektardan asady. Qazir sýdyń asty tegistelip jatyr. Semeıde qazir shomylýǵa ruqsat etilgen birde bir jaǵajaı joq.

«Biz bıyl statıstıka boıynsha balalardyń sýǵa batýy jóninen birinshi oryndamyz. Bul alańdaıtyn jaǵdaı. Sondyqtan jaıly da qolaıly jaǵajaı qajet. Soǵan barymyzdy salamyz. Eń bastysy tegin. Voleıbol, fýtbol alańdary da bolady»,-deıdi qala turǵyny Erjan Ámirhanov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT