+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Saılaýǵa qatysý, daýys berý arqyly biz saıası mádenıetti kóteremiz - saıasattanýshy

2020 jylǵy 30 qarasha 18:36
Bólisińiz:
Saılaýǵa qatysý, daýys berý arqyly biz saıası mádenıetti kóteremiz   - saıasattanýshy

NUR-SULTAN. QazAqparat - Búgin 30 qarasha partııalardyń Májilis depýtattyǵyna kandıdattar usynylatyn sońǵy kún. Osyǵan qaraı saıasattanýshy Baýyrjan Serikbaev Májilis depýtttarynyń saılaý naýqanynyń barysyna qatysty kózqarasyn bildirdi.

Uqsas jańalyqtar
Portýgalııada prezıdent saılaýy ótti Nyǵmatýlın: Májilismender EAEO aıasynda aýyl sharýashylyǵy salasyndaǵy kelisimdi qaraıdy Ár zań jobasyn talqylaǵan kezde qoǵamnyń pikirin eskerýimiz kerek - Máýlen Áshimbaev

Saısattanýshynyń sózinshe, saılaý naýqany jarııalanǵaly barlyq partııalar sezderin ótkizdi. 5 partııa óz kandıdattaryn usynyp, baǵdarlamalaryn da jarııalady.

«Saıası partııalar qoǵamda qordalanǵan áleýmettik, ekonomıkalyq, saıası máselelerdi kótergeni, ony sheshýdiń ózindik joldaryn usynǵany baıqalady. Búgin 30 qarasha kúni saǵat 18:00-de partııalardyń Májiliske kandıdattar usyný protsesiniń sońǵy kúni. 4 jeltoqsanda maslıhattarǵa kandıdattar usyný da aıaqtalady. 10 jeltoqsanda saıası partııalar úgit-nasıhat jumystaryna kóshedi. Saılaý naýqanynyń naǵyz qyzǵan ýaqyty 10 jeltoqsanda bastalady dep oılaımyn»,-deıdi ol.

Saıasattanýshynyń pikirinshe, bul jolǵy saılaý naýqanynyń bir ereksheligi partııalar qoǵamǵa tanymal azamattardy qataryna kóptep tarta bastady. Osy arqyly elektorattyń nazaryn ózine aýdarýǵa, halyqtyń daýsyn kóbirek tartýǵa tyrysatyndyǵy anyq. Partııalardyń ishinde eń kóp kandıdat usynǵan «Nur Otan» partııasy. Praımerız arqyly 11 myńǵa jýyq qatysýshylardyń ishinen qoǵamda bedeldi tulǵalardy ár óńirden tarta bildi. Bılikte otyrǵan partııa 800 mektep salý, magıstranttar men doktoranttardyń stıpendııasyn 1,5 esege ósirý, áleýmettik jáne ekonomıkalyq bastamalardy kótergen myqty baǵdarlamamen shyqty.

«Kez kelgen saılaý bizdi demokratııaǵa bir saty jaqyndata berýi tıis. Aldaǵy saılaý da qoǵamdyq damý men saıası mádenıetti bir saty alǵa jyljytatyn protsess bolýy kerek. Saılaýǵa qatysý, daýys berý, baıqaýshy bolý arqyly biz saıası mádenıetti kóteremiz ári demokratııalyq qundylyqtardy qalyptastyramyz. Bul óte mańyzdy qadam.

Jalpy alǵanda barlyq saıası partııalar sezderin ótkizip, kandıdattar usyný protsesin sátti aıaqtady deýge tolyq negiz bar. Osy turǵyda saılaýǵa qatysty daıyndyqty jasap, komıssııa quramyn bekitip, saılaý ýchaskelerin daıyndap, bul aqparattardy halyqqa ashyq jarııalap otyrǵan Ortalyq saılaý komıssııasynyń jumysy da tıimdi iske asyp keledi. Kez kelgen el azamaty saılaý naýqanyna qatysty aqparattarmen Ortalyq saılaý komıssııasynyń saıtynan tanys bola alady»,-deıdi Baýyrjan Serikbaev.


Foto: facebook.com/nurotanpavlodar


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT