+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Saılaý: Túske deıin BQO turǵyndarynyń 29% tańdaýyn jasap úlgerdi

2021 jylǵy 25 shilde 15:38
Bólisińiz:
Saılaý: Túske deıin BQO turǵyndarynyń 29% tańdaýyn jasap úlgerdi

NUR-SULTAN. QazAqparat – Batys Qazaqstan oblysynda saılaý komıssııasynyń tóraǵasy Ǵaısa Qapaqov óńirdegi daýys berý barysyn aıtyp berdi, dep habarlaıdy QazAqparat tilshisi.

Uqsas jańalyqtar

«Búginde oblys boıynsha 79 saılaý ýchaskesi jumys isteıdi. Komıssııanyń 488 múshesi saılaý ýchaskeleriniń jumysyn qamtamasyz etedi. Komıssııanyń barlyq músheleri Ortalyq saılaý komıssııasynyń talaptaryna sáıkes kásibı daıyndyq rásiminen ótti. Búgin tańerteń barlyǵy OSK-nyń ádistemelik nusqaýyna sáıkes ashylý rásimin ótkizdi», - dedi Ǵ. Qapaqov Oralda Óńirlik kommýnıkatsııalar qyzmetinde ótken brıfıngte.

Ázirge Batys qazaqstan oblysy boıynsha turǵyndardyń 29% daýys berdi, onyń ishinde Aqjaıyq aýdany – 16%, Bókeı ordasy aýdany – 29%, Bórili aýdany – 23%, Jańaqala aýdany – 33%, Qaratóbe aýdany – 34%, Báıterek aýdany - 34%, Syrym aýdany - 41% kórsetkishke ıe.

«Belsendi qatysyp, turǵyndardyń 40-50%-y daýys bergen aýyldar bar. Keı aýyldarda saılaýshylardyń belsendiligi óte joǵary», - deıdi Ǵ. Qapaqov.

Aıta keteıik, búgin táýelsiz Qazaqstannyń tarıhynda tuńǵysh ret aýyl, kent, aýyldyq okrýg jáne aýdandyq mańyzdaǵy qala ákimderiniń saılaýy ótip jatyr.

Aýmaqtyq saılaý komıssııalarynyń málimetinshe, barlyǵy 730 saılaý okrýginde 2582 kandıdat usynylǵan. Onyń 2297-i tirkeýden ótken.

Kandıdattardyń basym bóligi – óz-ózin usynýshylar.

Saılaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń saılaýyna túskisi keletin úmitkerge óz-ózin usyný múmkindigi berilgen bolatyn.

Osy múmkindikti bul jolǵy saılaýda 1419 adam paıdalanyp otyr.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT