+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Saıası qýǵyn-súrgin qurbandaryn tolyq aqtaý jónindegi memkomıssııasynyń úshinshi otyrysy ótti

2021 jylǵy 24 maýsym 16:51
Bólisińiz:
Saıası qýǵyn-súrgin qurbandaryn tolyq aqtaý jónindegi memkomıssııasynyń úshinshi otyrysy ótti

NUR-SULTAN. QazAqparat - Qazaqstan Respýblıkasynyń Memlekettik hatshysy Qyrymbek Kósherbaev Saıası qýǵyn-súrgin qurbandaryn tolyq aqtaý jónindegi memlekettik komıssııasynyń úshinshi otyrysyn ótkizdi, dep habarlaıdy Aqorda.


Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Saıası qýǵyn-súrgin qurbandaryn tolyq aqtaý jónindegi memlekettik komıssııasynyń úshinshi otyrysy ótti.

Komıssııanyń otyrysynda Saıası qýǵyn-súrgin qurbandaryn tolyq aqtaý jónindegi óńirlik komıssııalardyń jumysyn uıymdastyrýǵa jáne olardyń mindetterine qatysty másele qarastyryldy.

Jıyn barysynda Bilim jáne ǵylym mınıstri Ashat Aımaǵambetov, Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi Qanatbek Jaısańbaev jáne birqatar oblys ákimderiniń orynbasarlary baıandama jasady.

Oblys ákimderiniń orynbasarlary – óńirlik komıssııalardyń jetekshileri sarapshy ǵalymdarmen birge atqarylatyn jumystardy úılestirý, qýǵyn-súrginge ushyraǵan azamattardyń derekterin jınaý, jerleý oryndarynyń kartasyn jasaý, vedomstvolyq jáne memlekettik arhıvterdiń qyzmetin qalyptastyrý máseleleri jóninde baıandady. Sondaı-aq Memlekettik komıssııanyń qyzmetin súıemeldeý jónindegi ádistemeni jergilikti jerlerge beıimdeý jumystaryna basa mán berildi.

Jıynda Memlekettik komıssııa músheleri óńiraralyq yntymaqtastyq pen aımaqtyq komıssııalardyń tájirıbe almasý isin jetildirýge, arhıv qujattaryn saraptaý jónindegi oń tájirıbelerdi ortaǵa salatyn alań qurýǵa, izdestirý-zertteý jumystaryn tıimdi qalyptastyrýǵa qatysty usynys-pikirlerin aıtty.

Memlekettik komıssııanyń tóraǵasy Qyrymbek Kósherbaev óz sózinde ǵalymdardyń zertteý jumystaryn júrgizýi úshin qolaıly jaǵdaı jasaý qajet ekenine basymdyq berdi. Sonymen qatar ǵalymdardyń eńbegin yntalandyrý jáne olardy jan-jaqty qoldaý kerek ekenin atap ótti.

Memlekettik hatshy elimizdegi tarıhy baı jáne mádenı-rýhanı murasy mol eldi mekenderde bolǵan oqıǵalardyń tizbegin zertteý jáne qalpyna keltirý jumystary barysynda sheteldik ozyq tájirıbelerdi paıdalanýdyń mańyzdylyǵyna toqtaldy. Budan bólek tarıhı oqıǵalarǵa áleýmettik-demografııalyq turǵydan saraptama júrgizý óńirlik komıssııalar jumysynyń mańyzdy bir bóligi bolmaq.

Májilis qorytyndysy boıynsha Nur-Sultan, Almaty, Shymkent qalalary men oblystardyń ákimderine óńirlik komıssııalardyń qyzmetin jetildirýge, sarapshy ǵalymdarmen yqpaldastyqtyń tıimdiligin arttyrýǵa, zertteý jumystaryna halyqtyń belsendi bóligin jumyldyrýǵa qatysty tapsyrmalar berildi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Temırbekova A kaz
Temırbekova A kaz
954-059

MURAǴAT