+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Saıası qýǵyn-súrgin qurbandaryn aqtaý jónindegi memkomıssııanyń mıssııasy jarııalandy

2020 jylǵy 30 mamyr 16:51
Bólisińiz:
Saıası qýǵyn-súrgin qurbandaryn aqtaý jónindegi memkomıssııanyń mıssııasy jarııalandy

NUR-SULTAN. QazAqparat - QR Prezıdenti Ákimshiligi basshysynyń birinshi orynbasary Dáýren Abaev saıası qýǵyn-súrgin qurbandaryn aqtaý jónindegi memlekettik komıssııanyń mıssııasyn jarııa etti, dep habarlaıdy QazAqparat.

«Búgin Prezıdent Qasym-Jomart Toqaev óz úndeýinde saıası qýǵyn-súrgin qurbandaryn aqtaý jónindegi memlekettik komıssııanyń qurylǵandyǵyn jarııa etti. Bul - tarıhı ádildikti qalpyna keltirý isindegi elimizdiń kezekti qadamy. Sol jyldardaǵy qýǵyn-súrgin - tarıhymyzdyń janyndaǵy jazylmaǵan jara. Protsesterdiń buqaralyǵy, jabyqtyǵy, qupııalyǵy ókinishke oraı, kóptegen aqtańdaq qaldyrdy. Kinásiz qýǵyn-súrginge ushyraǵandardyń barlyǵy birdeı aqtalǵan joq. Bizdiń málimetterge sáıkes, búgingi kúni 6 myńǵa jýyq isti qaraý qajet. Halqymyzdyń quqy úshin de kúreskenderdi aqtaýǵa tıispiz. Máselen, 1910-1930 jyldardaǵy halyq kóterilisine qatysýshylardy aıtalyq, 1929 jylǵy Batpaqqara kóterilisine qatysqan 500 adamnyń tek úsheýi ǵana aqtalǵan»,- dep jazdy Dáýren Abaev jelidegi paraqshasynda.

Onyń atap ótýinshe, tarıhty ózgertip, tas-talqan bolǵan taǵdyrlardy qalpyna keltire almaımyz. Ólgenderge qaıta ómir berý de múmkin emes. Biraq, olardyń urpaqtary, keleshek qazaqstandyq urpaqtar aldyndaǵy paryzymyz - kinásiz sottalǵandardyń jarqyn beınesin saqtaý.

«Jańadan qurylǵan organnyń mıssııasy - saıası qýǵyn-súrgin qurbandaryn tolyqtaı saıası jáne zańdy túrde aqtaý jaqsatynda júıeli jumystardy uıymdastyrý. Prezıdenttiń komıssııa aldyna qoıǵan mindetteri jáne onyń aıasynda júrgiziletin jumystar mynadaı: Birinshiden, jappaı saıası qýǵyn-súrgin qurbandaryn aqtaý týraly zańnamalyq usynystar ázirleý; Ekinshiden, japaı saıası qýǵyn-súrgin qurbanyna teńestiriletin jáne saıası aqtaýǵa jatatyn tulǵalar sanatyn bekitý; Úshinshiden, aqtalǵandardy máńgi este qaldyrý, olardyń jerlengen jerlerin izdeý jáne kútip-ustaýdy retke keltirý boıynsha usynystar ázirleý; Tórtinshiden, aqtalǵandardyń quqyqtaryn qalpyna keltirý máseleleri boıynsha ótinimder men shaǵymdardy qaraý. Atalǵan mindetter memlekettik komıssııa jumysy sulbasyn naqty beıneleıdi. Onyń barysy jaıynda qoǵamǵa turaqty túrde aqparat beriletin bolady», - dedi Dáýren Abaev.

Eske salsaq, búgin Memleket basshysy Saıası qýǵyn-súrgin jáne asharshylyq qurbandaryn eske alý kúnine oraı úndeý jasap, saıası qýǵyn-súrgin qurbandaryn aqtaý jónindegi memlekettik komıssııa qurylatyndyǵyn aıtqan bolatyn.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT