+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Saıasat Nurbek óskeleń urpaqqa qajet bes daǵdyny atady

2020 jylǵy 16 qyrkúıek 17:25
Bólisińiz:
Saıasat Nurbek óskeleń urpaqqa qajet bes daǵdyny atady

NUR-SULTAN. QazAqparat – BTS Digital bilim jobalarynyń jetekshisi Saıasat Nurbek óskeleń urpaqqa, jastarǵa kerek bes daǵdyny atady, dep habarlaıdy QazAqparat tilshisi.

Uqsas jańalyqtar
Jańa mamandyqtar atlasy 90% daıyn – Saıasat Nurbek Saıasat Nurbek: Pandemııanyń bilim salasyna áserin «úreıli tús» sekildi umyta salý múmkin emes Jastardy qoldaýdyń 2021-2025 jyldarǵa arnalǵan keshendi jospary daıyndalýda

«Birinshiden, óskeleń urpaqqa tsıfrlyq saýat kerek. Sebebi biz tolyqqandy tsıfrlyq dáýir kóshine bet burdyq. Tsıfrlyq qoǵamda zamannyń ıgiligin meńgermegen ata-analardyń, balalardyń qınalyp jatqany ótirik emes. Ókinishke qaraı, tsıfrlyq-aqparattyq saýat Qazaqstanda jetkilikti deńgeıde dep aıta almaımyz. 2018 jylǵy Halyqaralyq aqparattyq jáne kompıýterlik zertteýdiń nátıjesi boıynsha biz tómen pozıtsııadan kórindik», - dedi Saıasat Nurbek Bilim jáne ǵylym mınıstrligi uıymdastyrǵan «Bolashaqtyń quzyretteri. 21 ǵasyrdaǵy daǵdy men iskerlik. Ony qalaı damytý kerek?» atty onlaın-vebınarda.

Onyń aıtýynsha, jastarda standarttan tys, kreatıvti oılaý qabileti bolýy tıis.

«Nege deseńiz, dástúrli salalardyń ózinde standarttar buryn sońdy bolmaǵan ózgeristerge ushyrap jatyr. Buryn adam bir standart nemese bilim negizinde kóp jyl boıy jumys isteı berse, qazir ár 5-7 jyl saıyn mamandyǵyńyz tolyǵymen ózgerip ketýi múmkin. Sondyqtan siz jańa jaǵdaılarǵa jańa bilimmen jáne ustanymmen tez beıimdelýińiz kerek. Úshinshiden, emotsııalyq ıntellekt bolýy tıis. Nege deseńiz, jeke batyrlardyń ómiri ótti. Qazir kez kelgen salada negizgi jumys úlken ujymdyq, toptyq negizde atqarylady», - deıdi ol.

Saıasat Nurbek jan-jaqty kommýnıkatsııany ornata bilý qabiletin – tórtinshi daǵdyǵa jatqyzdy.

«Biz qazir bir-birimizdi betpe-bet kórip otyratyn jaǵdaıda bolmaı qaldyq. Ustazdar bolsyn, balalar bolsyn, qazir qatty sharshap júr. Negizinde álemdik ýnıversıtetter bul úrdisti zertteý ústinde. Biz sapasyz baılanysta otyrmyz. Onlaın rejımde tipti bir-birimizdi durys estı de almaýymyz múmkin. Sondyqtan mıymyzǵa aqparatty tolyqqandy qabyldaý qıynǵa túsip jatyr. Besinshiden, qazir bilim nemese jumys salasy bolsyn, adamnyń belsendiligin talap etedi. ıAǵnı bala ózin-ózi basqaryp, tártip ornata bilýi kerek», - dedi ol.


Bizdiń kanalymyzǵa jazylyńyz:

#Bilim   #Bolashaq   #Jastar  
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT