Saýytbek Abdrahmanov EUÝ qurmetti professory atandy
2021 jylǵy 30 qarasha 16:16

Saýytbek Abdrahmanov EUÝ qurmetti professory atandy

NUR-SULTAN. QazAqparat – Májilis depýtaty, kórnekti qalamger Saýytbek Abdrahmanovqa Eýrazııa ulttyq ýnıversıtetiniń qurmetti professory ataǵy berildi, dep habarlaıdy QazAqparat tilshisi.

Bul jaıynda QR Parlamenti Májilisiniń depýtaty, kórnekti qalamger Saýytbek Adrahmanovtyń 70 jyldyǵyna arnalǵan «Mádenıet, bilim, ǵylym yqpaldastyǵy jáne qazirgi zamanǵy medıakommýnıkatsııa» atty halyqaralyq ǵylymı-tájirıbelik konferentsııa barysynda belgili boldy.

«Saýytbek Abdrahmanulynyń ásirese ǵylym-bilim, tárbıe salasyndaǵy qajyrly eńbeginiń zor ekendigi bárimizge málim. Sonymen qatar ol - L.Gýmılev atyndaǵy Eýrazııa ulttyq ýnıversıtetiniń janashyry ǵana emes, beldi de bedeldi professory. Osy sátti paıdalana otyryp, taıaý arada ǵana ótken ýnıversıtettiń ǵylymı keńesiniń biraýyzdan qabyldaǵan sheshimine oraı Saýytbek Abdrahmanovqa «L.Gýmılev atyndaǵy Eýrazııa ulttyq ýnıversıtetiniń qurmetti professory» ataǵy berilgenin habarlaımyz», - dedi is-shara barysynda EUÝ rektory Erlan Sydyqov.


Seriktester jańalyqtary

Jańalyqtar

Úrdis

MURAǴAT