Jańalyqtar  >

Sáýlet, qurylys salasyndaǵy ákimshilik zańbuzýshylyqtar 17% ósken

2022 jylǵy 30 qarasha, 13:53
Sáýlet, qurylys salasyndaǵy ákimshilik zańbuzýshylyqtar 17% ósken

ASTANA. QazAqparat – Elimizde sáýlet, qala qurylysy jáne turǵyn úı qatynastary salasynda ákimshilik quqyq buzýshylyqtar kórsetkishi artqan, dep habarlaıdy QazAqparat Ranking.kz resýrsyna silteme jasap.

Bıyl qańtar-qyrkúıek aralyǵynda joǵaryda atalǵan sala boıynsha 2,9 myń ákimshilik quqyq buzýshylyq tirkeldi. Bul ótken jylmen salystyrǵanda 16,8%-ǵa artyq.

Ákimshilik quqyq buzýshylyqtardyń 38,5% nysandar men keshenderdi salý baby nemese saraptamadan ótpegen jobalaý qujattamasy boıynsha tirkelgen.

Salada 1,1 myń quqyq buzýshylyq (jyl ishinde 15,1%-ǵa joǵary) bar.

Odan ári tehnıkalyq jáne avtorlyq qadaǵalaýsyz qurylysty júzege asyrý baby (636 quqyq buzýshylyq, bir jylda 74,2%) jáne QR zańnamasynyń jáne memlekettik normatıvterdiń talaptaryn buza otyryp, jobalaý aldyndaǵy, izdestirý, jobalaý, qurylys-montajdaý jumysyn oryndaý babymen (261 quqyq buzýshylyq, ótken jylǵa qaraǵanda 3,6%-ǵa artyq) tirkelip otyr.

Óńirler boıynsha ákimshilik quqyq buzýshylyqtardyń 19,5% Almatyda tirkeldi.

Jyl boıy 564 jaǵdaı, bul ótken jylmen salystyrǵanda 62,1%-ǵa artyq.

Odan keıin ShQO (429 quqyq buzýshylyq, mınýs 18,1%) jáne Shymkent qalasy (382 quqyq buzýshylyq, jyldyq ósim - 4,1 ese) tur.

Sáýlet, qala qurylysy, qurylys qyzmeti jáne turǵyn úı qatynastary salasynda quqyq buzýshylyqtyń eń tómen kórsetkishi Jetisý, Qyzylorda jáne SQO-da tirkeldi.

Al Abaı jáne Ulytaý oblystarynda áli kúnge bir de bir jaǵdaı tirkelgen joq.

Bıyl tirkelgen 2,9 myń quqyq buzýshylyqtyń 2,8 myńy qaraldy. Ótken jylmen salystyrǵanda 25,2%-ǵa kóp. 64 jaǵdaı boıynsha is toqtatyldy (mınýs 25,6%).

Sondaı-aq, 46 is boıynsha eskertý berildi jáne 2,7 myń quqyq buzýshylyq jaǵdaıyna qatysty ákimshilik aıyppul salyndy.

Búginde Qazaqstanda qala qurylysy kodeksi ázirlenip jatyr. Atalǵan qujatty daıarlaý barysynda qoǵamdyq tyńdaý ótedi. Ol týraly QR IIDM habarlady.

Ár qala boıynsha jer ýchaskeleriniń fýnktsıonaldyq ınteraktıvti kartalary jáne kommýnaldyq jelilerdiń shemalary qurylady.

Osyǵan baılanysty jer kadastrynda ónerkásiptik maqsattaǵy ýchaskelerdiń kartalary kólik jáne kommýnaldyq ınfraqurylymnyń ózekti shemalarymen tolyqtyrylmaq.

Sol sııaqty atalǵan mınıstrliktiń qalalardy keshendi salý standartyn ázirlegenin atap ótken jón.


Uqsas jańalyqtar
Tegı:
Zań   Qurylys  
Seriktester jańalyqtary

Jańalyqtar