+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Saýda ortalyqtarynda et satý talaptary saqtalmaıdy – agenttik

2019 jylǵy 21 tamyz 09:35
Bólisińiz:
Saýda ortalyqtarynda et satý talaptary saqtalmaıdy – agenttik

NUR-SULTAN. QazAqparat - Aqmola oblysynyń saýda ortalyqtarynda et ónimderin satý boıynsha kóptegen zańbuzýshylyqtar anyqtaldy. Bul týraly QR sybaılas jemqorlyqqa qarsy is-qımyl agenttiginiń Aqmola oblysy boıynsha arnaıy monıtorıng toby habarlady.

Uqsas jańalyqtar
Baılanys salasyndaǵy beldi sheneýnik áıeliniń atyndaǵy JShS-ǵa qamqorlyq jasap kelgen Qostanaı óńirindegi QR AShM mekemesiniń basshysy tergeýge alyndy Almaty oblysynda orman sharýashylyǵy salasynyń laýazymdy tulǵalary ustaldy

Baspasóz málimetterine qaraǵanda, Aqmola oblysy boıynsha arnaıy monıtorıngtik top músheleri «Aqmola – adaldyq alańy» jobalyq keńsesiniń ókilderimen birlesip Kókshetaý qalasynyń saýda ortalyqtaryndaǵy aýyl sharýashylyǵy ónimderin júzege asyrýda sanıtarlyq normalardyń ustanylýyna monıtorıng júrgizdi.

Monıtorıng barysynda jumys tobynyń músheleri tamaq ónimderiniń kóterme jáne bólshek saýda obektilerine qoıylatyn sanıtarııalyq-epıdemıologııalyq talaptardyń birneshe márte buzylǵandyǵyn anyqtady. Mysalǵa, saýda ortalyqtaryndaǵy et saqtaýǵa arnalǵan muzdatqysh kameralar qajettilik týǵan kezde jýylmaıdy. Sıyr etin saqtaý úshin osyndaı kameralardyń ishinde qorǵanys qaqpaqshalary joq shamdar qoldanylady. Bul et ónimderine áınek sııaqty qaýipti qaldyqtardyń túsýinen qorǵamaıdy. Sonymen qatar, temperatýra ólsheý úshin qajetti baqylaý-ólsheý qurylǵylarynyń joqtyǵy anyqtaldy. Etti satylymǵa shyǵarýǵa qajetti sóreler nemese vıtrınalar da joq eken.

Muzdatylǵan etti satý sharttary saqtalmaıdy. Etti túpqoımasyz, jerde saqtaıtyn jaǵdaılar da anyqtaldy. Et shabatyn bólmede qol jýýǵa arnalǵan shuńǵylshalar ornatylmaǵan.



Et tasymaldaý qyzmetine qatysty da kóptegen eskertýler jasaldy. Arnaıy transporttyq qural bolmaǵandyqtan et jeńil avtokólikpen tasymaldanady. Kóliktiń ishki joǵarǵy qabaty tazalanbaıtyn, jýylmaıtyn jáne zararsyzdandyrylmaıtyn, azyq ónimderin lastanýdan, janýarlardyń, kemirgishter men qurt-qumyrsqalardyń kirýinen saqtamaıtyn materıaldan jasalǵan.

Sonymen qatar jumysshylardyń aljapqyshtan basqa arnaıy kıimmen tolyq qamtamasyz etilmeıtini anyqtaldy. Jeke jáne arnaıy kıimdi bólek saqtaýǵa arnalǵan kıim iletin bólme qarastyrylmaǵan.

Ótkizilgen monıtorıng qorytyndysy boıynsha Arnaıy monıtorıngtik top músheleri saýda ortalyqtarynyń ıelerine anyqtalǵan kemshilikterdi joıý boıynsha tıisti usynymdar engizdi. Sonymen qatar, ýákiletti memlekettik organdar men uıymdardyń qatysýymen arnaıy jınalys ótkizip, osyndaı zań buzýshylyqtarǵa aldaǵy ýaqytta jol bermeý máselesin talqylaý josparlanyp otyr.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT