+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Satybaldy Dáýletalın: Eńbek adamynyń rólin túsiný – ózekti másele

2020 jylǵy 25 qyrkúıek 21:22
Bólisińiz:
Satybaldy Dáýletalın: Eńbek adamynyń rólin túsiný – ózekti másele

NUR-SULTAN. QazAqparat - Praımerız – biz úshin úkimettiń quramyna jumysshylardyń múddelerin qorǵaıtyn adamdardy usynýdyń senimdi ádisi. QR Kásipodaqtar federatsııasynyń tóraǵasy Satybaldy Dáýletalın «Nur Otan» partııasynyń praımerızine qatysýshylarmen onlaın-kezdesýde osylaı aıtty, dep habarlaıdy QazAqparat tilshisi.

Uqsas jańalyqtar
Qazba baılyq saýdasynan túsetin qarajatty adamı kapıtaldy damytýǵa baǵyttaý qajet - Meıram Begentaev

«Ashyǵyn aıtý kerek, búginde qarapaıym adamnyń, atap aıtqanda naqty óndirispen baılanysty jumysshynyń beınesi qorshaǵan álemdi taný júıesine qundylyq retinde kirmeıdi. Ókinishke qaraı, ol nazar aýdarýǵa laıyqty taqyryp bolyp sanalmaıdy. Eńbek adamynyń rólin túsinýge arnalǵan kún tártibi – fılosofııalyq qana emes, tájirıbelik, ekonomıkalyq ózekti másele. Bizdiń qoǵamda tek eńbek adamy ǵana modernızatsııalanǵan jáne zamanaýı ádisti engize alady. Prezıdent Qasym-Jomart Toqaev Qazaqstan halqyna óz Joldaýynda kúndelikti ómirdegi jumystyń qanshalyqty mańyzdy ekeni týraly aıtty», - deıdi Satybaldy Dáýletalın.

QR Kásipodaqtar federatsııasy tóraǵasynyń aıtýynsha, kásipodaq belsendileriniń praımerızine qatysý arqyly bir partııanyń saılaýshylarynyń nazaryn eń mańyzdy qozǵaýshy kúsh – eńbek adamyna, oǵan qatysty ózekti máselelerge jáne ony sheshý joldaryna aýdarý óte mańyzdy. Buǵan deıin aıtylǵandaı, praımerızge kásipodaqtyń 2700-den astam múshesi qatysýda.

«Bul Kásipodaqtardyń saılaýǵa tikeleı qatysýǵa nıetti ekenin kórsetedi. Praımerızge qatysý arqyly biz qoǵammen, onyń ishinde úkimetpen tikeleı jáne teń dıalog úshin erekshe múmkindik alamyz. Praımerız – biz úshin úkimettiń quramyna jumysshylardyń múddelerin qorǵaıtyn adamdardy usynýdyń senimdi ádisi. Kásipodaqtar federatsııasy saıası uıym emes, biraq biz saıası salaǵa belsendi qatysqysy keletin kásipodaq múshelerine qoldaý kórsetemiz. Biz ózimizdi saıası kúrestiń quraly retinde emes, bılik pen jumys berýshilerdiń syndarly seriktesteri retinde qarastyramyz», - deıdi ol.

Ol partııaishilik praımerızge qatysý – jaýapty adamdardyń jaýapkershiligi mol qadamy ekenin aıtty.

«Búgingi tańdaǵy ózekti máseleler týraly aıtqan kezde onyń sheshý joldaryn da usyný kerektigimizdi umytpaýymyz kerek. Osy jaǵdaıda biz usynǵan baǵdarlama qyzyqty jáne qajetti bolady. Kásipodaqtyq qozǵalystyń ereksheligi – másele kóterip qana qoımaı, onyń sheshý jolyn da usynatyndyǵymyzd», - deıdi Satybaldy Dáýletalın.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT