+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Satıralyq shyǵarmalarǵa arnalǵan respýblıkalyq onlaın baıqaý jarııalandy

2020 jylǵy 27 naýryz 00:45
Bólisińiz:
Satıralyq shyǵarmalarǵa arnalǵan respýblıkalyq onlaın baıqaý jarııalandy

NUR-SULTAN. QazAqparat - Pavlodar oblysynyń mádenıet, tilderdi damytý jáne arhıv isi basqarmasy «Mádenıet portaly» aqparat agenttigimen birlesip, respýblıkalyq Qadyr Taıshyqov atyndaǵy satıralyq shyǵarmalar baıqaýyn jarııalady, dep habarlaıdy QazAqparat.

Elimizdegi tótenshe jaǵdaıdy eskere kele atalǵan baıqaý «Mádenıet portalynda» onlaın túrde ótkizilmek.

Bıyl Pavlodar oblysynyń týmasy, kórnekti jazýshy, qazaq satırasynyń negizin salýshylardyń biri, aýdarmashy, jýrnalıst, sazger Qadyr Taıshyqovtyń týǵanyna 120 jyl tolyp otyr. Osy oraıda, respýblıkalyq onlaın baıqaý jarııalandy. Oǵan satıra janrynda jazylǵan shaǵyn áńgimeler, ázil-syqaq óleńder, shaǵyn sketchter, ocherkter qabyldanady.

«Baıqaýdyń maqsaty - ádebı shyǵarmalardy keńinen nasıhattap, ony oqyrman qaýymǵa, jas urpaqqa patrıottyq, azamattyq jáne kórkemdik-estetıkalyq tárbıe berýdiń tıimdi quraly retinde usyný, daryndy satırık qalamgerlerdi qoldaý, satıra janryn nasıhattaý jáne osy janrdaǵy jazýshylar men aqyndardy qalyń oqyrmanǵa tanystyrý. Elimizde tótenshe jaǵdaıdyń jarııalanýyna baılanysty baıqaýdy onlaın ótkizýdi uıǵardyq», – dep atap ótti Pavlodar oblystyq mádenıet, tilderdi damytý jáne arhıv isi basqarmasynyń basshysy Ernur Dáýenov.

Onlaın baıqaýǵa qazaq jáne orys tilderinde satıra janrynda buryn jarııalanbaǵan shaǵyn áńgimeler, ázil-syqaq óleńder, shaǵyn sketchter, ocherkter qabyldanady.

Shyǵarmalar «Mádenıet portalynda» jınaqtalyp, jarııalanady. Jazbalar 2020 jyldyń 30 mamyryna deıin qabyldanady. Baıqaý jeńimpazdaryna qomaqty qarjylaı júldeler taǵaıyndalǵan.


Bizdiń kanalymyzǵa jazylyńyz:

Basty sózder: Ádebıet, Óner,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT