Satbaevta kezekte turǵan 16 otbasy baspanaly boldy
2022 jylǵy 24 naýryz 21:35

Satbaevta kezekte turǵan 16 otbasy baspanaly boldy

SÁTBAEV. QazAqparat – Qaraǵandy oblysynyń Sátbaev qalasynda 16 otbasy jańa páter kiltterin aldy. Jańa qonystanýshylardyń qatarynda kópbalaly otbasylar, memleket qyzmetshileri jáne baspanasy apatty nemese turýǵa jaramsyz dep tanylǵan azamattar bar, dep habarlaıdy QazAqparat tilshisi.

«Naýryz aıynda tórt qabatty úıdi paıdalanýǵa berdik. Jańa úı qonystanýshylarǵa baqyt pen jylýlyq ákeletini sózsiz. Sizderge amandyq pen mol dastarhan tileımin!» – dep quttyqtady páter ıelerin Sátbaev qalasynyń ákimi Asqar Ydyrysov.

Igibaevtar otbasy tórt jyl kezekte turǵan, osy kúnge deıin jataqhanany panalap kelgen.

«Tórt jyl buryn segiz páterli eki qabatty úıimizde órt boldy. Úı aǵash, eskirgen, ol birden janyp ketti. Barlyǵymyzdy jan-jaqqa qonystandyrdy, bizge jataqhanadan bólme berildi, qarjylaı kómek kórsetildi, kezekke qoıdy. Mine, bıyl tórt qabatty jańa úıde eki bólmeli páterdiń kiltin aldyq. Biz baqyttymyz», - dep bólisti otaǵasy Baqyt Igibaev.

Kópbalaly ana Indıra Oshıbaeva óz kezegin jeti jyl kútken. Otbasy alty bala tárbıelep otyr, olardyń úlkeni 13 jasta, al kishisi bir jasta.

«Buryn kúıeýimizdiń ata-anasymen turatynbyz, sodan keıin taǵy tórt jyl turǵyn úıdi jalǵa aldyq. Baqytymyzǵa oraı, bıyl kezegimiz keldi jáne bizge úsh bólmeli páter berildi. Biz jańa páterde boldyq. Ol keń, jaryq, jóndeý jaqsy jasalǵan. Barlyq bólmelerde jyly edender bar. Biz qýanyshtymyz jáne rızamyz», – dedi Indıra.

Aıta keteıik, Sátbaev qalasynda turǵyn úı kezeginde barlyǵy 1977 adam tur.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT