+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

«Saryarqa» magıstraldyq gaz qubyry iske qosyldy

2019 jylǵy 30 jeltoqsan 11:41
Bólisińiz:
«Saryarqa» magıstraldyq gaz qubyry iske qosyldy

NUR-SULTAN. QazAqparat - 2019 jylǵy 27 jeltoqsanda «Saryarqa» magıstraldyq gaz qubyrynyń qurylysy aıaqtalyp, paıdalanýǵa berildi. Bul týraly QR Energetıka mınıstrliginiń baspasóz qyzmeti málim etti, dep habarlaıdy QazAqparat.

Uqsas jańalyqtar
Almatylyqtar gaz tartý úshin paıyzsyz nesıe ala alady – ákim Gazben júretin kólikterge arnaıy belgi japsyrý usynyldy Gazben júretin kólikterdi jabyq avtoturaqqa qoıýǵa tyıym salyndy

Qyzylorda oblysynan bastaý alǵan «Saryarqa» gaz qubyry elimizdiń elordasyn, ortalyq jáne soltústik óńirlerin otandyq kógildir otynmen qamtamasyz etýge múmkindik beredi.

«Nur-Sultan, Qaraǵandy, Temirtaý, Jezqazǵan qalalarynyń jáne gaz qubyry trassasynyń boıyna jaqyn ornalasqan 171 eldi mekenniń shamamen 2,7 mln turǵyny tabıǵı gazǵa qol jetkizedi. Atalǵan gaz qubyryn salý QR Tuńǵysh Prezıdenti – Elbasy N. Á. Nazarbaevtyń «Bes áleýmettik bastama» atty Qazaqstan halqyna joldaýynyń aıasynda jáne «Saryarqa magıstraldyq gaz qubyry qurylysyn ýaqtyly aıaqtaý týraly Memleket basshysy Q.K. Toqaevtyń «Igilik barshaǵa! Sabaqtastyq. Ádildik. Órleý» saılaýaldy baǵdarlamasy aıasynda júzege asyryldy. 2018 jyldyń jeltoqsan aıynda Elbasynyń qatysýymen ótken Telekópir barysynda gaz qubyrynyń qurylysyn bastaý rásimi ótti. Bıylǵy qańtarda tehnıka men adamdardy jumyldyrý, naýryz aıynda gaz qubyryn dánekerleý jumystary bastaldy. Qurylys barysynda 1 myńnan astam tehnıka jáne shamamen 2 myń adam jumysqa tartyldy», - delingen mınıstrlik málimetinde.

Sonymen qatar, qurylys barysynda otandyq óndirýshiler barynsha jumyldyryldy. Bas merdiger – otandyq «QazQurylysServıs» kompanııasy. Іlmekti armatýra jáne kran toraptarymen jergilikti óndirýshi «Bemer Armatýren Qazaqstan» kompanııasy, al avtomattandyrylǵan gaz taratý stantsııalarymen «Batys Munaı Gaz jabdyqtary» kompanııalary qamtamasyz etti.

«Normatıvti merzimmen salystyrǵanda aıtarlyqtaı qysqa merzimde 1061,3 kılometr gaz qubyry, 5 birlik qýatty avtomattandyrylǵan gaz taratý stantsııasy, sondaı-aq gaz ólsheý stansasy salyndy. Bul jumystyń úılesimdiligin jáne bizdiń mamandarymyzdyń joǵary kásibı daıarlyǵyn, qurylys barysynda paıdalanylǵan tehnologııalardyń ınnovatsııalyǵyn kórsetedi», - dep atalyp ótken habarlamada.

Tutastaı alǵanda, jobany iske asyrý mýltıplıkatıvti áser ákeletinin, shaǵyn jáne orta bıznestiń damýyna, jańa jumys oryndarynyń paıda bolýyna, sondaı-aq gaz qubyry boıyndaǵy óńirler ınfraqurylymynyń damýyna serpin beretinin atap ótken jón.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT