+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Saryarqa» gaz qubyrynyń qurylysy ýaqtyly aıaqtalady - vıtse-premer

2019 jylǵy 25 maýsym 11:24
Bólisińiz:
 «Saryarqa» gaz qubyrynyń qurylysy ýaqtyly aıaqtalady - vıtse-premer

NUR-SULTAN. QazAqparat - Úkimet «Saryarqa» gaz qubyrynyń qurylysyn ýaqtyly aıaqtaýdy qamtamasyz etedi. Úkimet otyrysynda QR Premer-Mınıstriniń orynbasary Jeńis Qasymbek osylaı dedi, dep habarlaıdy QazAqparat tilshisi.

«2025 jylǵa deıin jaqsy jáne qanaǵattanarlyq jaǵdaıdaǵy respýblıkalyq joldardyń úlesi 100 paıyzǵa deıin, jergilikti deńgeıdegi joldardyń jaǵdaıy 95 paıyzǵa deıin artady. Budan basqa, elimizdi gazdandyrý sheńberinde Úkimet «Saryarqa» gaz qubyrynyń qurylysyn ýaqtyly aıaqtaý qamtamasyz etedi. Gaz qubyryn iske qosý Nur-Sultan, Qaraǵandy, Temirtaý jáne Jezqazǵan qalalaryn jáne 171 eldimekendi tabıǵı gazben qamtamasyz etedi. Sonymen qatar, olardyń ekologııalyq jaǵdaılaryn jaqsartady», - dedi ol.

Eske sala ketsek, buǵan deıin halyq aldynda esep bergen Energetıka mınıstri Qanat Bozymbaev elimizde gazdandyrý deńgeıi 49,7 paıyzǵa jetkenin málim etken bolatyn. Onyń aıtýynsha, qazirdiń ózinde gazdy shamamen 9 mıllıon qazaqstandyq tutynyp otyr. Al elordany gazben qamtý jobasy josparǵa saı júrgizilýde.

«2019-2021 jyldarda oblysta 100-den astam joba iske asyrylatyn bolady. Al «Saryarqa» gaz qubyry kestege sáıkes salynyp jatyr. Qazirgi ýaqytta Jezqazǵan qalasyna jaqyn jerde dánekerleý jumystary júrgizilýde. Búgingi kúnge shamamen 420 km qubyr dánekerlendi. Bul jalpy gaz qubyrynyń 40%-yn quraıdy», - deıdi Qanat Bozymbaev.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT