+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

«Saryarqa» gaz qubyrynyń 75%-y tartyldy

2019 jylǵy 16 tamyz 15:13
Bólisińiz:
«Saryarqa» gaz qubyrynyń 75%-y tartyldy

NUR-SULTAN. QazAqparat - «QazMunaıGaz» ulttyq kompanııasynyń jaýapkershiligi aıasyndaǵy «Saryarqa» gaz qubyrynyń 796,6 shaqyrymy tartyldy. Bul aıtýly jobanyń jelilik bóligi qurylysynyń 75%-n quraıdy, dep habarlaıdy QazAqparat QMG baspasóz qyzmetine silteme jasap.

Uqsas jańalyqtar

«Saryarqa» eldiń energetıkalyq qaýipsizdigi deńgeıin arttyrýǵa, ortalyq jáne soltústik aımaqtardy kógildir otynmen úzdiksiz qamtı otyryp, ekologııalyq ahýaldy jaqsartýǵa tıis. Bolashaqta jekemenshik jáne shaǵyn kommýnaldyq qazandyqtardy, jer úıler men turǵyn úılerdi, jylý-elektr ortalyqtaryn birtindep gazǵa aýystyrý josparlanýda.

«QazMunaıGaz» jaýapkershiligi sheńberindegi qubyrdyń jelilik bóligin salý jumystaryn ústimizdegi jyldyń sońyna deıin aıaqtaý josparlanyp otyr. Sodan keıin jergilikti ákimdikter eldi mekenderdi, sonyń ishinde elordany gazben qamtamasyz etý jumystaryna kirispek.

Búginde Qyzylorda oblysynda dánekerleý-pisirý jumystary tolyqtaı aıaqtalyp, Qaraǵandy jáne Aqmola oblystarynda qarqyndy júrip jatyr. Jobany iske asyrý barysynda dánekerleý-pisirýdiń eń ozyq tehnologııalary qoldanylýda. Ozyq tehnologııalar dıametri 820 mm qubyrdy táýligine 6 shaqyrymnan asa jyldamdyqpen tartýǵa múmkindik beredi.

Qazirgi kezde dánekerleý-pisirý keshenderi:

- Qaraǵandy oblysynda gaz qubyry jolynyń 794-shi shaqyrymynda («Qaraǵandy» avtomatty gaz taratý stantsııasyna burý júıesin ornatý jerine deıin 14 shaqyrym) jáne 844 shaqyrymynda («Qaraǵandy» burý júıesin ornatý jerinen keıin 36 shaqyrym);

- Aqmola oblysynda gaz qubyry jolynyń 970-shi shaqyrymynda (Qaraǵandy jáne Aqmola oblystarynyń shekarasynan soltústikke qaraı 27 shaqyrym) jáne 1056-shy shaqyrymynda («Astana-1» avtomatty gaz taratý stantsııasyna burý júıesin ornatý jerine deıin 5 shaqyrym) jumys isteýde.

Magıstraldy gaz qubyrynyń qurylys jumystaryna 2 myńnan astam adam jáne 800 tehnıka jumyldyrylǵan. Jyljymaly vahtalyq kentter jumysty táýlik boıy júrgizý úshin qajetti jabdyqtarmen jabdyqtaldy. Qyzmetkerler tirshiligi úshin barynsha qolaıly jaǵdaı jasalǵan. Operatsııalyq qyzmetti aktsıonerleri «Samuryq-Qazyna» UÁQ» AQ men «Báıterek» UBH» AQ bolyp tabylatyn «AstanaGaz QMG» AQ júzege asyrady. Qurylystyń bas merdigeri bolyp «QazQurylysServıs» MGQK» AQ aıqyndalǵan.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT