Saryaǵashtyq turǵyn taýys qusyn ósirýde
2022 jylǵy 18 qańtar 22:55

Saryaǵashtyq turǵyn taýys qusyn ósirýde

TÚRKІSTAN. QazAqparat - Túrkistan oblysy Saryaǵash aýdany Derbisek eldi mekeniniń turǵyny taýys qusyn ósirýde, dep habarlaıdy QazAqparat tilshisi.

Taýys óńir úshin tańsyq qus bolatyn. Úı qusynyń bul túrin qazir «Rahmanberdı» sharýa qojalyǵynyń basshysy Rahmanberdi Óserbaev alǵashqylardyń biri bolyp ósirýdi qolǵa alyp otyr. Sonymen qatar ol qyrǵaýyldyń 7 túri, taýyqtyń 5 túri, kepter, túıequs, azııattyq kekilik, qazy, úırektiń 2 túri, kúrke, bódene baǵýmen de aınalysady.

Syrttan alyp kelingen qustar qolǵa úıretilgen. Kútimi erekshe taýys jylyna 6 ret jumyrtqalaıdy. Odan ózge, bul qus kóktem aılarynda ǵana erekshe bılep, óner kórsetedi. Alǵashynda 2 taýys qusyn satyp alyp, jersindirgen kásipker ony kóbeıtip sanyn 40-qa jetkizgen. Sondaı-aq qusqa qyzyǵýshy azamattardyń suranysyna sáıkes, 30 shaqty taýysty satyp, paıdasyn da kóripti.

Aldaǵy ýaqytta jeke kásipker qus sharýashylyǵyn keńeıtýmen qatar, balyq sharýashylyǵyn damytýdy da josparlap otyr.


Jańalyqtar

MURAǴAT