Jańalyqtar  >

Saryaǵashta 22 jastaǵy jigit adam qaǵyp, qashyp ketti

2022 jylǵy 3 qazan, 20:31
Saryaǵashta 22 jastaǵy jigit adam qaǵyp, qashyp ketti

TÚRKІSTAN. QazAqparat – Saryaǵashta 22 jastaǵy jigit adam qaǵyp, qashyp ketti, dep habarlaıdy QazAqparat tilshisi.

Áleýmettik jelide júrgizýshiler arasynda týyndaǵan kıkiljińniń vıdeosy tarady. Jol ústinde kilt toqtaǵan «Jıgýlı» kóliginiń júrgizýshisi artynan kele jatqan kólik ıesine kúsh kórsetpek bolǵan. Sol sátte «Mercedes-Benz» kóliginiń júrgizýshisi aldyndaǵy adamdy qatty jyldamdyqpen qaǵyp, oqıǵa ornynan qashyp ketkendigin vıdeodan anyq kórýge bolady.

Tártip saqshylary oqıǵanyń Saryaǵash aýdanynda bolǵandyǵyn anyqtady. Jedel is-sharalar barysynda kúdikti qolǵa tústi. Tekserý kezinde onyń júrgizýshi kýáligi joq 22 jastaǵy jas jigit ekendigi belgili boldy.

«Atalǵan jaıt boıynsha júrgizýshige qatysty QR ÁQBtK-niń 610-baby 2-bóligi, 612-babynyń 2-bóligimen eki birdeı hattama toltyryldy. Al kólik aıypturaqqa qoıyldy. Sonymen qatar, 2 qazanda is protsessýaldyq sheshim qabyldaý úshin Anyqtaý bólimshesine ótkizilip, QR QK-niń 345-baby 2-bóligimen (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) tirkeldi. Qazirgi tańda tergeý amaldary júrgizile bastady. Búginde jol apaty saldarynan jaraqat alǵan jábirlenýshige qatysty sot-medıtsınalyq saraptamalar taǵaıyndaldy. Qazirgi tańda jábirlenýshi aýrýhanada em qabyldap jatyr», - delingen Túrkistan oblysy polıtsııa departamentiniń baspasóz qyzmeti taratqan habarlamada.


Uqsas jańalyqtar
Seriktester jańalyqtary

Jańalyqtar