Sarqan aýdanynda qoqystan tabylǵan balanyń anasy ustaldy

TALDYQORǴAN. QazAqparat - Almaty oblysynyń Sarqan aýdanynda qoqystan tabylǵan balanyń anasy ustaldy. Qazir ol kúdikti retinde tergelip jatyr, - dep habarlaıdy QazAqparat tilshisi.

Qoqystan múrdesi tabylǵan 2017 jylǵy qyz balanyń anasynyń aıtýynsha, balasy sal aýrýyna shaldyqqan jáne aqyl-esi kem bolǵan.

«Balanyń anasy 19 jasta. Onyń aıtýynsha, qyzy aýyryp, kóz jumǵan. Olar aǵasy ekeýi kelisip, qalanyń mańyna jerlemek bolǵan. Qazir atalǵan faktige sáıkes QR QK 99 baby,«Adam óltirý» boıynsha is qozǵalyp, tergeý júrip jatyr»,- delingen Almaty oblystyq Polıtsııa departamenti baspasóz qyzmetiniń habarlamasynda.

Qazir atalǵan is Almaty oblystyq Polıtsııa departamentiniń qatań baqylaýynda.

Esterińizge sala keteıik, buǵan deıin Almaty oblysy Sarqan aýdanynda bes jastaǵy balanyń máıiti qoqystan tabylǵanyn habarlaǵan bolatynbyz.