+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Sardoba sý qoımasy apatynyń sebepteri aıtyldy

2020 jylǵy 28 shilde 11:24
Bólisińiz:
Sardoba sý qoımasy apatynyń sebepteri aıtyldy

TAShKENT. ÓzA-QazAqparat - Ózbekstan Respýblıkasynyń Bas prokýratýrasy Sardoba sý qoımasynda bolǵan oqıǵaǵa qatysty resmı málimdeme jasady, dep habarlaıdy QazAqparat ÓzA agenttigine silteme jasap.

Bıyl 1 mamyrda «Sardoba» bógetiniń buzylýy saldarynan úlken aýmaqtaǵy eldi mekenderdi sý basqandyqtan, Ózbekstan Respýblıkasy Qylmystyq kodeksiniń 207 jáne 258-baptary boıynsha qylmystyq is qozǵalyp, tergeý amaldary júrgizilýde.

Sý qoımasy 2010-2017 jyldary salynǵan, oǵan memlekettik bıýdjetten 1,2 trln. sým jumsalǵan.

Aldyn-ala tergeý kezinde kelesi negizgi boljamdar qarastyryldy: jobalaýdaǵy qateler, qurylys talaptarynyń saqtalmaýy, paıdalaný kezindegi kemshilikter, tabıǵı apat.

Saraptama qorytyndysyna oraı, sý qoımasynyń bógetiniń qulaýyna kelesi faktorlar sebep bolǵan:

1. Jobalyq qujattamadaǵy qatelikter men kemshilikter.

Sý qoımasynyń tehnıkalyq-ekonomıkalyq negizdemesi tıisti saraptamadan ótip, bekitilgennen keıin, jobalaýshy óz betimen oǵan ózgerister engizgen.

2. Qurylystaǵy qatelikter men kemshilikter.

Bógettiń korpýsyn quraıtyn topyraqtyń tyǵyzdyǵy jobalyq talaptarǵa qaraǵanda tómen jáne topyraq bógde zattardan tazartylmaǵan, olar shirip, ornynda qýys paıda bolǵan, qorǵanysh qabatyna tóselgen tastardyń dıametri jobalyq ólshemderden birneshe ese úlken ári jobaǵa saı qalyń etip tóselmegen, iri tastardyń arasyna usaq tastar tóselmegen.

3. Paıdalanýdaǵy qatelikter men kemshilikter.

Paıdalaný protsesine baılanysty eleýli materıaldyq jáne materıaldyq emes kemshilikterge jol berilgen. Atap aıtqanda, sý qoımasyna qyzmet kórsetetin «Sardoba sý qoımasy nysandaryn paıdalaný jáne damytý dırektsııasy» qajetti materıaldyq-tehnıkalyq quraldarmen qamtamasyz etilmegen. Sonymen qatar, sý qoımasyn paıdalanýǵa jumyldyrylǵan qyzmetkerlerdiń 56%-ynda qajetti bilim (mamandyq) bolmaǵan, 82%-ynyń daǵdysy men tájirıbesi joq. Sonyń saldarynan sý qoımasyna sapaly qyzmet kórsetilmegen.

Qazirgi ýaqytta 9 adam ÓR Qylmystyq kodekstiń 167, 205, 207, 209, 258- baptary boıynsha jaýapqa tartylyp, olarǵa qatysty qamaqqa alý túrindegi bultartpaý sharasy qoldanylǵan.

Tergeý organy tótenshe jaǵdaıdyń sebepterin, oǵan jol bergen jaǵdaılardy, kinálilerdiń sanyn anyqtaý, sondaı-aq keltirilgen zalaldyń ornyn toltyrýdy qamtamasyz etý boıynsha is-sharalar júrgizip jatyr.

Aldyn ala tergep-tekserýdi jan-jaqty jáne tolyq qamtamasyz etý úshin jáne qylmystyq istiń kúrdeliligi men aýqymdylyǵyn eskere otyryp, Bas prokýratýra alǵashqy tergeý merzimin 5 aıǵa uzartty.

Eske sala keteıik, 2020 jyly 2 mamyrda Ózbekstanda Sardoba sý qoımasynyń bógeti jarylyp, eldi mekender, kommýnıkatsııalyq jeli, egistikke zaqym kelgen. Sonyń saldarynan Túrkistan oblysynda 4 aýyldy sý basyp, 620 úı búlindi. Maqtaral aýdanynda 2 mamyrda túngi 00:00-de tótenshe jaǵdaı jarııalandy. Sondaı-aq, Ózbekstanda Sardoba sý qoımasyndaǵy bógettiń buzylýyna qatysty qylmystyq is qozǵaldy.



Bizdiń kanalymyzǵa jazylyńyz:

Bólisińiz:

Avtor:

Nurlan Tuıaqov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT