+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Sarapshy pikiri: Qazirgi mindet – aýrýdyń taralýyn azaıtý

2020 jylǵy 2 shilde 20:05
Bólisińiz:
Sarapshy pikiri: Qazirgi mindet – aýrýdyń taralýyn azaıtý

NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýtynyń dırektory Zarema Sháýkenova karantın sharalaryn qatańdatý týraly óz pikirin bildirdi, dep habarlaıdy QazAqparat.

«Álemniń kóptegen elderi sekildi Qazaqstanda da kúrdeli epıdemıologııalyq jaǵdaı oryn aldy. Mundaı jaǵdaıda Prezıdent Q.K. Toqaev pen Úkimet tarapynan qabyldanǵan sharalar týraly halyqty múmkindiginshe tezirek aqparattandyrýǵa tyrysý baıqalady. Keshe Prezıdent Q.K.Toqaev óziniń Twitter paraqshasynda Úkimet 5 shildeden bastap elde karantın engizý josparyn usynǵanyn, al búgin Qazaqstanda epıdemıologııalyq jaǵdaıdy turaqtandyrý jónindegi memlekettik komıssııanyń otyrysy ótti dep jazdy. Aýrý birneshe aıdyń ishinde álemniń 210-nan astam eline taraldy. Álemniń damyǵan elderi ólimniń joǵary deńgeıin kórsetip otyr. Mysaly, AQSh-ta bul kórsetkish 5%-dan asady», - deıdi sarapshy.

Qazaqstanda 5 shildeden bastap kólik, sulýlyq salondary, sport zaldary, kópshilik is-sharalar, dámhanalar men meıramhanalardyń jumysyna 14 kúndik shekteý sharalary engiziledi.

«Mundaı jumys rejımi barsha qazaqstandyqtarǵa burynnan tanys. Qazirgi ýaqytta Memleket basshysynyń tapsyrmasymen juqpaly naýqasy barlarǵa arnalǵan tósek-oryn sany 50% artyp, 1400 qabyldaý brıgadasy jumys isteýde. Qazirgi ýaqytta PTR-synaqtaryna arnalǵan 8 jyljymaly zerthana satyp alynýda. Al synaqtardyń ózderi Reseıden, Qytaıdan, Germanııadan satyp alynady. Naýryzda elimiz ómir súrýdiń osyǵan uqsas erejelerin bastan ótkergen bolatyn. Úkimet josparynda kórsetilgen sheshimder shekteýlik sıpatqa ıe, biraq shamadan tys eshteńe joq. Máselen, aımaqtar arasyndaǵy áýe qatynasy saqtalady, júk jáne jolaýshylar poıyzdarynyń qozǵalysy birshama shekteledi. Alaıda, koronavırýsqa testiden ótkendigi týraly anyqtamany usynýdyń qajeti joq. Ásirese maýsymdyq faktordy, demalys kezeńi ekenin eskeretin bolsaq, bul – óte mańyzdy shara», - dedi Z. Sháýkenova.

Sonymen birge, sarapshy barlyq qazaqstandyqtardyń eldegi jaǵdaıdyń damýyna birdeı jaýapty ekenin túsiný kerektigin aıtty. Jekelegen azamattardyń saqtyq sharalaryn eskermeýi, túrli merekelik sharalardy ótkizý, qarapaıym sanıtarlyq normalardy elemeý epıdemıologııalyq jaǵdaıdyń kúrdelenýine alyp keldi.

«Osyndaı shekteý sharalary kóktemde aıtarlyqtaı tıimdi boldy. Úkimettiń jospary Memleket basshysynyń tóraǵalyǵymen jaqyn kúnderi ótken keńeste Densaýlyq saqtaý mınıstri usynǵan ekinshi stsenarııine sáıkes keledi. Mınıstrlik sarapshylarynyń boljamy boıynsha, eki aptalyq ulttyq karantın kezeńinde aýrýhanaǵa jatqyzýdy qajet etetin aýrýlar sany kúnine 7 myń jaǵdaı deńgeıinde bolady. Qazirgi negizgi mindet – aýrýdyń taralýyn azaıtý jáne jaǵdaıdy jaǵymdy baǵytqa burý», - dedi Zarema Sháýkenova.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT