+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Sarapshy: Indýstrııalandyrý qazaqstandyqtardyń ál-aýqatyn jaqsartýǵa qatysty kóp máseleni sheshedi

2020 jylǵy 2 qyrkúıek 09:52
Bólisińiz:
Sarapshy: Indýstrııalandyrý qazaqstandyqtardyń ál-aýqatyn jaqsartýǵa qatysty kóp máseleni sheshedi

NUR-SULTAN. QazAqparat - Qala men aýyl arasyndaǵy ınfraqurylymdyq jáne tsıfrlyq alshaqtyqty joıý ýrbanızatsııany basqarylatyn etedi. QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń sarapshysy Lıdııa Parhomchık Memleket basshysynyń Qazaqstan halqyna jyl saıynǵy dástúrli Joldaýyna qatysty osyndaı pikir aıtty, dep habarlaıdy QazAqparat tilshisi.

«Memleket basshysynyń Joldaýda aıtqan sózderi pandemııanyń jaǵymsyz saldaryn joıý úshin qolda bar resýrstardyń barlyǵy paıdalanylatynyn aıqyn kórsetedi. Joldaýdyń aýmaqtyq damýǵa qatysty bóligin atap ótý kerek. Prezıdent oryndy atap ótkendeı, respýblıka azamattarynyń áleýmettik-ekonomıkalyq ál-aýqatynyń deńgeıi ár aımaqta ártúrli. Daǵdarystan keıingi qalpyna keltirý kezeńine engen kezde, elge keńistiktegi damý strategııasyn ońtaılandyrý qajet», - deıdi Lılııa Parhomchık.

Onyń aıtýynsha, elimizdiń batys óńiriniń Ortalyq Azııadaǵy munaı-hımııa jáne gaz-hımııa ónerkásibiniń ortalyǵyna aınalý múmkindigi bar. Al elimizdiń shyǵys bóligi joǵary tehnologııany jáne ǵylymdy qajet etetin klasterge aınala alady.

«Indýstrııalandyrý sharalaryn júzege asyrý tek ekonomıkany nyǵaıtýǵa serpin berip qana qoımaı, qazaqstandyqtardyń ál-aýqatyn jaqsartýǵa qatysty kóp máseleni sheshýge múmkindik beretini anyq. Memleket basshysy Qasym-Jomart Toqaev óz Joldaýynda jańa sapaly jumys oryndaryn qurý arqyly memleket halyq arasynda jańa mentalıtet qalyptastyrýǵa yqpal etedi, sol arqyly ekonomıkanyń básekege qabilettiligin arttyratynyn aıtty. Qala men aýyl arasyndaǵy ınfraqurylymdyq jáne tsıfrlyq alshaqtyqty joıý ýrbanızatsııa protsesin basqarýǵa múmkindik beredi. Bul aımaqishilik jaǵdaıda jumys kúshin bólý máselesin sheshedi», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT