+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Saran qalasynda kópbalaly otbasylardyń baspana máselesi tolyǵymen sheshildi

2019 jylǵy 12 jeltoqsan 22:51
Bólisińiz:
Saran qalasynda kópbalaly otbasylardyń baspana máselesi tolyǵymen sheshildi

QARAǴANDY. QazAqparat - Saran qalasynda kópbalaly otbasylardyń baspana máselesi tolyǵymen sheshildi, dep habarlaıdy QazAqparat tilshisi.

Uqsas jańalyqtar
ShQO-da «Shańyraq» baǵdarlamasy boıynsha 6 kópqabatty úı boı kóteredi Óskemende jetim balanyń páterinde memqyzmetshi turyp jatqany jaıly aqparat - jalǵan Záýresh Battalova: Baspanasy bar adamdy baspanasyzǵa aınaldyrý - qylmys

«Qaraǵandy oblysynda Memleket basshysynyń halyqty áleýmettik qorǵaý jónindegi tapsyrmasy oryndalýda. Saran qalasynda óńir boıynsha birinshi bolyp kezekte turǵan kóp balaly analardyń turǵyn úı máselesi tolyq sheshildi», delingen habarlamada.

Táýelsizdik kúni qarsańynda óńir basshysy Jeńis Qasymbek jańa qurylystaǵy páterlerdiń kiltin sarandyqtarǵa tabys etti.

«Nurly jer» baǵdarlamasy boıynsha kezekte turǵan 120 kópbalaly otbasy, erekshe qajettilikteri bar balalardy asyrap otyrǵandar qoljetimdi baspana aldy. Saran qalasynda páter kezeginde 46 kópbalaly ana turǵan bolatyn. Endi olar jaldamaly nemese shaǵyn páterlerde turmaıtyn bolady. Bul otbasylarǵa jańa salynǵan úılerden keń páterler berildi.

«Biz jańa kópqabatty úılerdiń kiltterin tapsyramyz. Meniń oıymsha, bul elimizdiń Táýelsizdik kúnine jáne aldaǵy jańa jyldyq mereke qarsańynda jasap otyrǵan tamasha syılyq. Bul bes qabatty úıde erekshe qajettilikteri bar adamdar úshin qolaıly jaǵdaı jasalǵan», - dedi Jeńis Qasymbek.

Kireberiste qurylysshylar múgedek arbadaǵy adamdarǵa arnalǵan kótergish ornatty. Esikterdi keń qylyp, jýynatyn bólmelerde arnaıy tutqalar ornatylǵan.

Saran qalasynda turǵyn úı qurylysy belsendi qarqynmen jalǵasady, dep atap ótti oblys ákimi. Kelesi jyly qalada árqaısysy 100 páterlik taǵy úsh kópqabatty úı salynatyn bolady.

«Árıne, qýanyshymyz sheksiz. Buǵan deıin Aqtasta ata-anamyzben birge bir úıdi panaladyq. Tórt jyl kezekte turdyq. Endi mine, ózimizdiń keń páterimizge qol jetizip otyrmyz. Jaqynda qonys toıyn toılaımyz. Memleket pen bılik ókilderine qamqorlyǵy úshin úlken rahmet», - dedi kópbalaly ana Janna Jumasheva.

Kóp balaly otbasynda tórt kishkentaı bala bar. Otaǵasy zaýytta júk tıegishte jumys isteıdi. Jubaıy jumysqa ornalasý úshin tiginshi kýrstarynda oqıdy.

Saran qalasynyń tuǵyndaryna arnalǵan jaıly úıdi jergilikti «KKK LTD» kompanııasy salǵan.

«Biz úshin qysqa merzimde osyndaı úı salýmyzdyń sımvoldyq máni bar. Osydan jeti jyl buryn biz úı qurylysy kombınatyn iske qostyq. Tabysty jumys istep, jumys oryndaryn qurdyq. Saran qalasynyń 130 turǵyny bizdiń kásiporynda eńbek etýde, olar osyndaı úılerde ómir súrgisi keledi - bul sapa kórsetkishteriniń biri», - dedi kompanııa basshysy Aleksandr Kıký.

Qaraǵandy oblysynda 2019 jyly «Nurly jer» memlekettik baǵdarlamasy boıynsha turǵyn úı salýǵa jáne satyp alýǵa 11,5 mlrd teńge bólindi. Osy baǵdarlama boıynsha oblysta 194 páter paıdalanýǵa berildi.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT