+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Un eksporty nelikten tómendep ketti

2019 jylǵy 23 qyrkúıek 21:50
Bólisińiz:
Un eksporty nelikten tómendep ketti

NUR-SULTAN. QazAqparat – QR Aýyl sharýashylyǵy mınıstri Saparhan Omarov qazaqstandyq unnyń nelikten eksporty tómendegenin túsindirdi, dep habarlaıdy QazAqparat tilshisi.

«Sońǵy jyldary bıdaı eksporty artyp keledi. Alaıda un eksportynyń kólemi áli ósken joq. Qazir un eksporty tipti tómendegenin aıta ketý kerek. Munyń bári naryqtyq máselelerge kelip tireledi. Buryn Ózbekstan kóp mólsherde un satyp alatyn, biraq qazir olar ózderi de, Tájikstanda dıirmenderdi sala bastady. Bizdiń unnyń negizgi naryǵy - Aýǵanstan», - dedi Saparhan Omarov Senattyń Agrarlyq máseleler, qorshaǵan ortany qorǵaý jáne aýyldardy damytý komıtetiniń keńeıtilgen otyrysynda depýtattardyń suraqtaryna jaýap bere otyryp.

Alaıda, onyń aıtýynsha, Pákistan jaqynda Aýǵanstan naryǵy boıynsha Qazaqstannyń básekelesine aınalǵaly otyr.

«Pákistanda egin túsimi jaqsy bolǵan kezde biz úshin Aýǵanstanǵa un satýda qıyndyqtar týyndaı bastaıdy. Bizge ónimniń jańa naryqtaryn ashý qajet. Prezıdenttiń QHR-ǵa sapary kezinde Qytaıdyń tek bir provıntsııasymen kelisimge keldik. Olar aıyna 5 myń tonnaǵa deıin un satyp alýǵa daıyn otyr. Biz tek un eksportymen shektelip qalmaýymyz kerek. Tereń óńdelgen ónimderdi satýǵa tyrysqan abzal. Mysaly, makaron, krahmal jáne taǵy basqa ónimderdi shyǵarǵan jón. Qazir biz 4 mıllıon tonnaǵa jýyq un óndiremiz, onyń 1,7 mıllıon tonnasyn ózimiz paıdalanamyz, al 2,2 mıllıon tonnasyn eksportqa shyǵaramyz, taǵy 100 myń tonna aınalyp kelgende ózimizde qalady», - dedi mınıstr.

Aıta ketsek, atalmysh otyrysta «Agroónerkásip keshenin retteý máseleleri boıyna QR-nyń keıbir zańnamalyq aktilerine ózgerister men tolyqtyrýlar engizý týraly» zań jobasy talqylanǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT