+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Saparbaev Soltústik Qazaqstan oblysynda qonys aýdarýshylarǵa arnalǵan úılerdi aralady

2019 jylǵy 22 qarasha 15:51
Bólisińiz:
Saparbaev Soltústik Qazaqstan oblysynda qonys aýdarýshylarǵa arnalǵan úılerdi aralady

SOLTÚSTІK QAZAQSTAN. QazAqparat - QR Premer-Mınıstriniń orynbasary Berdibek Saparbaev bastaǵan úkimettik jumys toby Soltústik Qazaqstan oblysyna keldi, dep habarlaıdy óńir basshysynyń baspasóz qyzmeti.

Uqsas jańalyqtar
Berdibek Saparbaev: Balalarymyzdyń qaýipsizdigi biz úshin árqashan birinshi orynda Úkimet basshysy EO-ǵa múshe elder dıpmıssııalarynyń basshylarymen kezdesý ótkizdi Asqar Mamın «Rosatom» korporatsııasynyń basshysyn qabyldady

Jumys tobynyń quramynda QR Eńbek jáne halyqty áleýmettik qorǵaý mınıstri Birjan Nurymbetov, Bilim jáne ǵylym vıtse-mınıstri Sholpan Karınova, Densaýlyq saqtaý vıtse-mınıstri Kamaljan Nadyrov, Mádenıet jáne sport vıtse-mınıstri Eldos Ramazanov, Aqparat jáne qoǵamdyq damý vıtse-mınıstri Danııar Esın bar.

Astanalyqtardyń jumys sapary Qyzyljar aýdanyndaǵy eńbek kúshi mol óńirlerden qonys aýdarýshylarǵa arnalǵan turǵyn úılerdi aralaýdan bastaldy. Bul úıler ónimdi jumyspen qamtý jáne jappaı kásipkerlikti damytý «Eńbek» memlekettik baǵdarlamasy aıasynda salynýda. Bıyl óńirge 688 otbasy qonys aýdardy. Ondaǵy 2060 adamnyń 1031-i jumysqa qabiletti jasta, 935 – jetkinshek, 57 – stýdent, 37 – zeınetker. Oblystyń áleýmettik-ekonomıkalyq damýynyń keshendi jospary negizinde 2142 úıdiń qurylysy qarastyrylǵan. 428 úı bıyl salyndy. Eki jatyn bólme, zal jáne as úı 120 sharshy metrdi quraıdy.

Berdibek Saparbaev Qyzyljar aýdanynyń Báıterek aýylynda turǵyzylǵan úılerdi aralap, qonystanýshylarmen emen-jarqyn áńgimelesti. «Jylý úıge kirip, ómir súre berýge bolady», – deıdi Rýslan Nasyrov. Ol bul aýylǵa mamyr aıynda áıeli jáne eki balasymen Túrkistan oblysy Qazyǵurt aýdanynan qonys aýdaryp kelgen. Óz sheshiminiń durys ekendigine kózi jetken otaǵasy osy aýyldy turaqtap qalmaq.

«Bul óńirdiń topyraǵyn alǵash dosyma qonaqqa kelip basqan bolatynmyn. Meni kóshýge kóndirgen sol. Jumyspen qamtý ortalyǵyna baryp, qandaı bos jumys oryndary bar ekenin suradym. Ondaǵy mamandar barlyǵyn túsindirdi, sharttarǵa qulaǵdar etti. Birneshe jumys ornyn usynyp, tańdaý jasaýǵa múmkindik berdi. Baspana máselesi ońaı sheshiletinin aıtty. Biz – jas otbasymyz. Qol jetkizýge tıisti josparymyz da kóp. Báıterek bizge unady. Adamdary keńpeıildi, kómek qolyn sozýǵa qashanda daıyn», – deıdi Rýslan Nasyrov.

Jańa úıler jyly, jaryq, qolaıly. Turǵyndardyń kóńilinen shyǵyp otyr.

Jumys toby atbasyn tiregen kelesi nysan – jergilikti mektep boldy. Qonaqtar Báıterek aýylynyń turǵyndarymen kezdesip, jyly sózder estidi. Turǵyndar aýylynyń bir orynda turmaı damyp, kórkeıip kele jatqandyǵyn maqtanyshpen aıtty. Sý, kommýnıkatsııa máselesinde esh qıyndyq joq. Turǵyndar úkimet basshysynyń orynbasaryna tek balabaqshanyń jetispeıtindigin aıtyp, osy máselege qolǵabys jasaýdy ótindi.

Vıtse-premer Beskól aýylynda da boldy. Aýdan ákimdiginde jumys tobynyń halyqpen kezdesýi uıymdastyryldy. QR Eńbek jáne halyqty áleýmettik qorǵaý mınıstri Birjan Nurymbetov kópbalaly jáne az qamtylǵan otbasylardy qoldaýdyń jańa tásilderi týraly egjeı-tegjeıli aıtyp berdi.

Berdibek Saparbaev jumys tobynyń basty mindeti halyqtyń ómir súrý sapasyn baǵalaý jáne problemalyq máselelerdi sheshýge járdemdesý dep atap kórsetti. Ásirese, bilim jáne densaýlyq saqtaý sııaqty mańyzdy áleýmettik salalarǵa erekshe toqtaldy.

«12 jyldyq bilim berýge kóshýge keletin bolsaq, qazir arnaıy top jumys isteýde. Prezıdent eń bastysy mektepterdiń, muǵalimderdiń, oqýlyqtardyń daıyndyǵyn sheship baryp, asyqpaı oryndaýǵa tapsyrma bergen bolatyn», deı kele vıtse-premer aýyldyq jerlerde muǵalimderdiń jetispeýshiligi bolmasa, bul salada basqa ózekti másele joqtyǵyn atap ótti. «Dıplommen aýylǵa» baǵdarlamasy boıynsha biz jergilikti atqarýshy organdarmen jumysty shıratyp, muǵalimderge tıisti jaǵdaıdy qamtamasyz etýimiz kerek. Mektepterdi zerthanalarmen, kabınettermen jabdyqtaý boıynsha jumystar qarqyndy jalǵasyn tabady».

Sondaı-aq, Berdibek Saparbaev azamattardy memleket beretin múmkindikterdi paıdalanýǵa jáne memlekettik baǵdarlamalarǵa qatysýǵa shaqyrdy. «Túrli salada 14 memlekettik baǵdarlama bar. Olar arqyly 500 myń teńgege tegin grant alý múmkindigi bar, sondaı-aq jeńildikpen mıkrokredıt alýǵa da bolady. Biraq, ókinishke oraı, kópshilik qoljetimdi mehanızmderdi paıdalanbaıdy. Bireý bilse, bireý bilmeıdi. Eń bastysy – adamnyń óz isin ashýǵa degen nıeti. Biz bul tetikterdiń halyq úshin jumys isteýin kózdeımiz. Turǵyndar bul kómekterdi paıdalanyp, jumys istep, aqsha taýyp, otbasylaryn asyraı alýy úshin baǵdarlamalardy odan ári jetildire túsemiz», – dep atap ótti Berdibek Saparbaev.

Kezdesý sońynda jumys tobynyń músheleri halyqtyń suraqtaryna jaýap berdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT