+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Saparbaev Shý aýdanyndaǵy gaz máselesin bir aptada sheshýdi tapsyrdy

2020 jylǵy 28 qyrkúıek 21:44
Bólisińiz:
Saparbaev Shý aýdanyndaǵy gaz máselesin bir aptada sheshýdi tapsyrdy

TARAZ. QazAqparat – Búgin Jambyl oblysy ákimdiginde ótken basqosýǵa úılerine tartylatyn gaz baǵasynyń qymbattyǵyna qatysty Shý aýdany Tóle bı aýyly turǵyndarynyń shaǵymy sebep boldy, dep habarlaıdy QazAqparat tilshisi.

Atalǵan aýylǵa gaz qubyry birneshe jyl buryn tartylǵanymen, keıbir úıler áli kúnge deıin kógildir otynsyz otyr.

Energetıka jáne turǵyn úı-kommýnaldyq sharýashylyq basqarmasynyń basshysy Qudaıbergen Qorǵanbaevtyń aıtýynsha, úılerge gaz jetkizýge jaýapty merdiger - «Parıev» JShS. 2016 jyly olardyń qyzmetteriniń bastapqy baǵasy 420 myń teńgeni qurasa, keıinnen ol soma 570 myń teńgege deıin ósken. Merdigerdiń aıtýynsha, qurylys materıaldary qymbattaǵan. Bul jaǵdaı turǵyndardyń narazylyǵyn týdyryp otyr. Olar mundaı qarajatty kez-kelgenniń qaltasy kótere almaıtyndyǵyn aıtady.

Shý qalasynan Tóle bı aýylyna deıin uzyndyǵy 8,7 shaqyrym magıstraldy qubyrdy satyp alý jáne memleket balansyna qoıý úshin oblystyq bıýdjetten 251,1 mıllıon teńge bólingen. Bul sheshim «Parıev» JShS qyzmetteriniń baǵasyn 475 myń teńgege deıin tómendetýge múmkindik bergen.

Búginde Tóle bı aýylyndaǵy 4200 úıdiń 35,2 paıyzy ǵana gazǵa qosylǵan. Qalǵan úıler qyzmettiń qymbattyǵyna baılanysty qosyla almaı otyr.

Tabıǵı monopolııalardy retteý jáne básekelestikti qorǵaý jónindegi oblystyq departament «Parıev» JShS-ǵa qatysty tergeý júrgizgen. Merki aýdandyq sotyna jiberilgen is ákimshilik quqyq buzýshylyq quramynyń bolmaýyna baılanysty toqtatyldy.

Degenmen, Qudaıbergen Qorǵanbaev «Parıev» JShS óz mindettemelerin tolyq oryndamaǵandyǵyn málimdep otyr. Kompanııa tehnıkalyq qyzmet kórsetýdi júrgizýge múmkindik beretin shart jasaspaǵan. Bul, osy jyldyń qyrkúıeginde Tóle bı aýylynda gazdyń óshirilýine ákelgen.

«Parıev» JShS qyzmet kórsetetin ýchaskede turatyn Shý qalasynyń turǵyndary da osyndaı máseleni bastan keshirdi.

«Jumys toby bir apta ishinde bir sheshimin tabýy kerek. Kompanııanyń qyzmetteri basqa aýdandarǵa qaraǵanda nege qymbat ekenin saralańyzdar. Qordaı aýdanynda osy sekildi qyzmet quny 350 myń, al Shý aýdanynda jarty mıllıonnan asady. Olardyń gazy altyn emes shyǵar? Nelikten turǵyndar eki apta boıy gazsyz qalady? Turǵyndar qyzmetterge úzdiksiz aqy tóleıdi, sondyqtan gaz da turaqty berilýi tıis. Olardyń narazylyǵy oryndy. Barlyq kináliler ádil jazaǵa tartylýy kerek. Eshkimge halyqty aldaýǵa jol berilmeıdi», - dep atap ótti oblys ákimi.

Aımaq basshysy bul másele óziniń jeke baqylaýynda bolatynyn basa aıtty.

Jıynda Berdibek Saparbaev sonymen qatar Qordaı aýdanyndaǵy gazdandyrý jumystaryn baqylaýdy tapsyrdy. Aǵymdaǵy jyly Qordaı aýdanynyń 22 eldi mekeni kógildir otynmen qamtamasyz etilýi tıis.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT