+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Saparbaev: Sheteldik jáne otandyq mamandardyń eńbekaqysynda aıyrmashylyq bolmaýy tıis

2019 jylǵy 24 qarasha 12:16
Bólisińiz:
Saparbaev: Sheteldik jáne otandyq mamandardyń eńbekaqysynda aıyrmashylyq bolmaýy tıis

QOSTANAI. QazAqparat - Memlekettik eńbek ınspektorlary 36 myńnan astam jumysshynyń quqyn qorǵap, jalaqy boıynsha qaryzdaryn qaıtardy. Bul týraly QR Eńbek jáne halyqty áleýmettik qorǵaý mınıstri Birjan Nurymbetov QR Premer-Mınıstriniń orynbasary Berdibek Saparbaevtyń Qostanaı qalasyna jumys sapary aıasynda ótken áleýmettik-eńbek qatynastaryn jáne áleýmettik seriktestikti retteý jónindegi respýblıkalyq úshjaqty komıssııanyń otyrysynda aıtty, dep habarlaıdy QazAqparat.

Uqsas jańalyqtar

Іs-sharaǵa Qostanaı oblysynyń ákimi Arhımed Muhambetov, QR Kásipodaqtar federatsııasynyń tóraǵasy Eraly Toǵjanov, qarjy, energetıka, aýyl sharýashylyǵy vıtse-mınıstrleri, respýblıka óńirlerindegi ákim orynbasarlary qatysty.

Otyrysta sóz sóılegen Birjan Nurymbetov eńbek qatynastaryn retteýdegi negizgi mindetterdi sheshýge nazar aýdardy. QR Eńbek jáne halyqty áleýmettik qorǵaý mınıstri jalaqyny ýaqtyly tóleýdi birinshi másele dep atady.

«Aǵymdaǵy jyly eńbek ınspektorlary jalaqy boıynsha bereshegi 5,7 mlrd. teńgeden asatyn eldegi 1700 kásiporyndy anyqtady. Qabyldanǵan sharalardyń nátıjesinde 36 myńnan astam jumysshynyń quqyǵyn qorǵalyp, jalaqylary boıynsha 5,1 mıllıard teńge qaryzdaryn qaıtaryldy. Búgingi kúnde jalpy qaryz somasy 1,42 mlrd teńgeni quraıdy jáne jyl basynan beri ol 28% -ǵa nemese 560 mln teńgege azaıdy. Sonymen birge aǵymdaǵy jáne merzimi ótken bereshek somasy 2700 qyzmetkerge 733 mln teńgeni quraıdy», – dedi Birjan Nurymbetov.

Onyń aıtýynsha, eń kóp qaryz Nursultan qalasyna, Almaty jáne Aqtóbe oblystaryna tıesili. Bereshekke jol bergen kásiporyn basshylaryna 59 uıǵarym berilip, 25 mln teńge kóleminde aıyppul salyndy. Al jalaqyny birneshe ret keshiktirgeni úshin 6 kásiporyn basshysynyń ústinen qylmystyq is qozǵaldy.

Mınıstrdiń sózine qaraǵanda, eńbek qatynastaryn retteýdegi ekinshi negizgi mindet –ujymdyq eńbek daýlarynyń aldyn alý.

«Daǵdarysqa qarsy shtabtar men áleýmettik seriktestik jónindegi óńirlik komıssııalardyń turaqty jumysyna qaramastan, árdaıym eńbek janjaldarynyń aldyn alý múmkin bola bermeıdi. Aǵymdaǵy jyldyń basynan beri respýblıkada 9 eńbek daýy oryn aldy. Onyń 7-i sheteldikterdiń qatysýyndaǵy eldiń batys óńirlerindegi munaı-gaz jáne munaı-servıs kásiporyndarynda bolǵan. Janjaldardyń negizgi sebepteri jalaqyny kóterý, jergilikti jáne sheteldik jumysshylardyń eńbek pen turmys jaǵdaılarynyń teńsizdiginen týyndady», – dedi Birjan Nurymbetov.

Budan bólek, vedomstvo basshysy sheteldik jumys kúshin tartatyn kásiporyndardaǵy jaǵdaıǵa erekshe nazar aýdardy.

«Prezıdent tapsyrmasy boıynsha qazaqstandyq jáne sheteldik qyzmetkerler arasynda eńbekaqy tóleýdegi sáıkessizdikti boldyrmaýǵa qatysty prokýratýra organdarymen birlesip, 30 adamnan asatyn sheteldik jumys kúshin tartatyn 95 kásiporynda tekserý jumystary aıaqtaldy. Eńbek jáne kóshi-qon zańnamasyn buzýdyń 930 faktisi anyqtaldy, onyń ishinde 25 kásiporynda 474 eńbekaqy tóleýdegi sáıkessizdik faktisi belgili boldy. Tekserý qorytyndysy boıynsha 89 uıǵarym berilip, 92 mln.teńge somasyna 383 ákimshilik is qozǵaldy, 681 ruqsat keri qaıtaryldy, 393 sheteldik qyzmetker elden shyǵaryldy», – dep habarlady mınıstr.

Sonymen qatar, mınıstr eńbek qatynastaryn retteýdegi qaýipsiz eńbek jaǵdaılaryn qamtamasyz etýge de nazar aýdardy. Onyń aıtýynsha, aǵymdaǵy jylǵy 10 aıda óndiriste 1069 adam zardap shegip, onyń ishinde 129 adam qaıtys bolǵan. Óndiristik jaraqattanýdyń ósýi Aqmola, Jambyl oblystarynda jáne Nur-Sultan qalasynda baıqalady.

Jıyndy qorytyndylaǵan vıtse-premer Berdibek Saparbaev respýblıkalyq úshjaqty komıssııanyń negizgi mindeti eńbek daýlarynyń aldyn-alý jáne eńbek ujymdaryndaǵy turaqtylyqty qamtamasyz etý ekenin atap ótti.

«Ókinishke qaraı, jaýapty memlekettik organdar eńbek daýlarynyń aldyn alý, boldyrmaý baǵytynda jumys istemeıdi. Kásipodaq uıymdary problemalardy biledi, biraq olar da únsiz. Eńbek ınspektsııasy aldyn ala sharalar qabyldamaıdy. Biz órt sóndirýshiler sııaqtymyz. Eńbek qaqtyǵysy paıda bolaǵannan keıin oqıǵa ornyna baryp, jumysqa kirisemiz. Eńbek qaýpi kartasy ne úshin quryldy? Keshiktirilgen jalaqynyń, óndiristik jaraqattyń, eńbek jaǵdaıynyń saqtalmaýynyń barlyq faktilerimen jeke jumys jasaý kerek», – dep QR Premer-Mınıstriniń orynbasary kóńili tolmaıtyndyǵyn bildirdi.

Ol jergilikti atqarýshy organdar ókilderine eńbekaqy tóleýdiń keshiktirilýine jol bermeý, ýaqytyly tólenýin qamtamasyz etý týraly eske saldy.

«Bul, ásirese, Nur-Sultan, Almaty qalalary, Aqtóbe jáne Almaty oblystaryna qatysty. Kásipodaqtarmen birlese otyryp, sharalar qabyldaý kerek», – dep atap ótti vıtse-premer.

Sondaı-aq, Berdibek Saparbaev jumys berýshilerdiń ujymdyq kelisim-sharttar men bıznestiń áleýmettik jaýapkershiligi mindettemelerin oryndaýy men kásiporyndarda kásipodaqtardy qurýdyń mańyzdylyǵy týraly atap ótti. Sonymen qatar, ol sheteldik jáne otandyq mamandardyń eńbekaqysy men eńbek jaǵdaılary boıynsha sáıkessizdigi máselelerine toqtalyp ótti.

«Biz aýqymdy tekserý júrgizdik. Qazir Eńbek mınıstrligi Bas prokýratýramen birlesip jumys isteýde, biz bul máseleni Úkimettiń qaraýyna engizemiz. Bir sózben aıtqanda, bul máselede biz núkte qoıýymyz kerek. Bizde bilikti kadrlar bar, sondyqtan eńbekaqy tóleý men eńbek jaǵdaılaryndaǵy aıyrmashylyqtar bolmaýy tıis. Qazir tórtinshi sanat boıynsha kvotany tómendetý máselesin qarastyrýdamyz», – dep túıindedi Saparbaev.

Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT