+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Saparbaev pedagogtarǵa: Ashyp aıtyńyzdar, pikirlerdi eskeremiz

2019 jylǵy 24 qazan 17:10
Bólisińiz:
Saparbaev pedagogtarǵa: Ashyp aıtyńyzdar, pikirlerdi eskeremiz

ShYMKENT. QazAqparat – Premer-Mınıstrdiń orynbasary Berdibek Saparbaev bastaǵan úkimettik jumys toby búgin Shymkent qalasyna keldi. Úkimettik delegatsııanyń quramynda Eńbek jáne halyqty áleýmettik qorǵaý mınıstri Birjan Nurymbetov, Densaýlyq saqtaý mınıstri Eljan Birtanov, Bilim jáne ǵylym mınıstri Ashat Aımaǵambetov, Mádenıet jáne sport vıtse-mınıstri Órken Bısaqaev, Aqparat jáne qoǵamdyq damý vıtse-mınıstri Danııar Esın bar.

Uqsas jańalyqtar
Pedagog mártebesi týraly zańnyń oryndalýy qazaqstandyqtarǵa tikeleı baılanysty  - sarapshy Pedagog mamandyqtaryna mektep túlekteriniń suranysy artady degen úmittemiz – JOO rektory Parlament pedagog mártebesine arnalǵan zańdy qabyldady

Sapardyń basty maqsaty – QR Prezıdenti Qasym-Jomart Toqaevtyń Qazaqstan halqyna Joldaýynyń basymdyqty baǵyttaryn túsindirý.

Aqparattyq top aldymen, qaladaǵy №65 mektep-gımnazııasyna at basyn buryp, pedagogtarmen jáne bilim salasynyń ardagerlerimen kezdesti. Onyń barysynda Joldaýda aıtylyp ótken, bilim sapasyn jaqsartý jolynda qabyldanatyn zańdar men áleýmettik yntalandyrý jóninde pikir almasty.

Jıynda Bilim jáne ǵylym mınıstri pedagogtar mártebesi týraly zań jobasyn jan-jaqty túsindirip berdi. Onyń aıtýynsha, memlekettik-jekeshelik áriptestikti damytýda Shymkent kósh bastap keledi. Bıyl bul maqsatta 10 jekemenshik mektep ashylǵan. Bul – jaqsy kórsetkish. Sondaı-aq, jıynda ustazdar tarapynan ulttyq tárbıeni kúsheıtý, áleýmettik jaǵdaıdy kóterý, mektepterdegi orynsyz tekserýlerdi azaıtý máseleleri kóterildi.

«Memleket basshysy Tamyz konferentsııasynda aldaǵy tórt jyl ishinde muǵalimderdiń eńbekaqysyn eki ese arttyrýdy tapsyrǵan bolatyn. Osy rette kelesi jyldan bastap ustazdardyń jalaqysyn 25 paıyzǵa ósirý kózdelýde», - dedi Bilim jáne ǵylym mınıstri A.Aımaǵambetov.

Elimizdiń bas pedagogy sonymen qatar mektepke magıstrlik bilimi bar mamandardy tartý qajettigin aıtyp ótti.

«Ustazdardyń bilim sapasyna da mán berýimiz qajet. Sondyqtan da joǵary bilimnen keıingi magıstrlik bilimi bar ustazdardyń jalaqysyna qosymsha yntalantyrý maqsatynda 17 paıyz ústemeaqy tólenetin bolady», - dedi ol.

Jıyndy qortyndylaǵan Úkimet basshysynyń orynbasary Berdibek Saparbaev bilim salasyn damytýdaǵy basty maqsattar men mindetterge toqtalyp ótti.

«QR Prezıdenti bilim salasyn damytýdaǵy basty maqsattar men mindetterdi belgilep berdi. Qazir salany damytýdyń 2025 jylǵa deıingi baǵdarlamasy daıyndalyp jatyr. Odan bólek, pedagogtar mártebesi týraly zań jobasy Májiliste qaralýda. Artyq júktemelerdi azaıtý, ustazdardyń jaýapkershiligin arttyrý baǵyttary bar. Jalpy, másele kóp. Ashyp aıtyńyzdar. Biz osy maqsatta óńirlerdi aralap júrmiz. Pikirlerińizdi eskeremiz», - dedi Berdibek Saparbaev.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT