+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Saparbaev otandyq jańa traktordy júrgizip, aıryqsha jobany iske qosty

2020 jylǵy 1 qarasha 01:17
Bólisińiz:
Saparbaev otandyq jańa traktordy júrgizip, aıryqsha jobany iske qosty

TARAZ. QazAqparat – Jambyl oblysynyń ákimi Berdibek Saparbaev «AgromashHoldıng KZ» AQ shyǵarǵan jańa LOVOL traktorynyń róline otyryp, eski aýylsharýashylyq tehnıkalaryn jańartý jáne qalpyna keltirý boıynsha trade-in baǵdarlamasyn iske qosty,- dep habarlaıdy QazAqparat tilshisi.

Uqsas jańalyqtar
Jer zańnamasynyń jetildirilýine atsalysýymyz kerek – Álı Bektaev Aýyl partııasy: Malshylardyń mártebesin kóterý máselesi – mańyzdy Qaraǵandy oblysynda aýyl sharýashylyq jerleriniń elektrondyq kartasy jasalady

Qazirgi tańda oblystyń agrarlyq salasy sharýa qojalyqtardyń usaqtyǵy men tehnıkalardyń tozýy sekildi eki negizgi problemany bastan ótkerýde. Aıtalyq, búginde óńirdegi 18 myń birlik tehnıkanyń 15 myńnan astamynyń nemese 80 paıyzynyń paıdalaný ýaqyty 10 jyldan asqan.

Joǵaryda aıtylǵan usaq sharýashylyqtar máselesin sheshý jolynda oblys ákiminiń bastamasymen ár aýdanda iri aýylsharýashylyq holdıngteri qurylýda. Al, ekinshi máseleni sheshý úshin jetekshi qazaqstandyq óndirýshi kompanııa – «AgromashHoldıng KZ» AQ-men tyǵyz yntymaqtastyq ornatylǵan.

Trade-in jobasy aǵymdaǵy jyldyń shilde aıynyń ortasynda «Taraz» ÁKK, «Agromashholdıng KZ» AQ jáne Óńirlik kásipkerler palatasy arasynda jasalǵan memorandýmnyń arqyly júzege asyp otyr. Yntymaqtastyqtyń nátıjesimen 49% áleýmettik-kásipkerlik korporatsııaǵa jáne 51% «AgromashHoldıngke» tıesili «TarazRemServıs» birlesken kásipornyn qurý kózdelgen. Bul kásiporyn sharýalardan eski tehnıkany qabyldap, onyń ornyna sharýalarǵa óte qolaıly sharttarmen jańa traktor beredi, al eski tehnıka alǵashqy jarna retinde paıdalanylady. Sondaı-aq, kem degende 50 turaqty jumys orny qurylady.

Búgingi kúngi aldyn ala málimetter boıynsha, MTZ shamamen eki mıllıon teńgege baǵalanýda. Qazirdiń ózinde mundaı on eki tehnıka jóndeýge jiberilýde. Olardyń birqatarynyń paıdalaný merzimi tipti 40 jylǵa jetken. Jastar alleıasyndaǵy alańǵa qoıylǵan eski tehnıkalardyń qasynda quny 10,3 mıllıon teńgeni quraıtyn jańa LOVOL traktorlary rasynda kóz súısintedi.

Sonymen qatar, «Agrobıznes» baǵdarlamasy aıasynda sharýalar jańa tehnıka qunynyń 25% mólsherinde sýbsıdııa alady. Osylaısha, sol LOVOL traktoryn satyp ala otyryp, tek 4,5 mıllıon teńge ǵana tóleıdi, al qalǵan soma jyldyq bes paıyzben bes jylǵa lızıngke resimdeledi. Óndirýshi eki jyl kepildik beredi nemese qozǵaltqyshtyń 1600 saǵat jumys isteýin qamtamasyz etedi, al «Agromashholdıng KZ» AQ mamandary «TarazRemServıs» JShS bazasynda servıstik qyzmet kórsetetin bolady. Trade-in baǵdarlamasynyń taǵy bir artyqshylyǵy retinde tólemder boıynsha bir jyldyq kanıkýldy aıtýǵa bolady. Al odan ári tólemderdi alty aıda bir ret júrgize alady.

«Bul tamasha múmkindik. Sondyqtan men tek jańa traktormen shektelip qalmaı, sondaı-aq jalpy 18,5 mln. teńgege jańbyrlatyp sýarý qondyrǵysyn, tyńaıtqysh sepkish, soqa satyp alýdy josparlap otyrmyn. Memlekettiń mundaı qoldaýyn tıimdi paıdalaný mańyzdy», - deıdi jas kásipker, jýalylyq «Merseıt «sharýa qojalyǵynyń jetekshisi Oljas Slambaı.

Eger bireý óziniń eski tehnıkasyn jańartqysy kelse, onda oǵan zaýyt mamandary zamanaýı jabdyqtardy qoldana otyryp qalpyna keltirýge kómektesedi. Jańasynan eshbir kem túspeıtin ol tehnıkany sharýa tıisti kepildikpen tómen baǵaǵa satyp alady.

Aımaq basshysy eski traktorlardy da, jańa traktorlardy da baǵalap, sharýalardy áńgimege tartty. Ol 1980 jylǵy eski MTZ tehnıkasyn baıqap, jańa LOVOL traktoryn júrgizip, synap kórdi. Jańa traktor kondıtsıoner jáne jylytý peshimen jabdyqtalǵan, syrt kórinisi tartymdy ári jolda yńǵaıly júredi.

«Biz sovhozda jumys istegen jas kezimizde mundaı zamanaýı traktorlar bolǵan joq. Keńestik tehnıkany júrgizdik. Kez-kelgen memlekettiń mindeti – azyq-túlik qaýipsizdigin qamtamasyz etý, sondyqtan Memleket basshysy Qasym-Jomart Toqaev agrarlyq sektordy damytýǵa aıryqsha nazar aýdarýda. Túrli memlekettik qoldaý baǵdarlamalary júzege asyp, sýbsıdııalar bólinýde. Onyń ishinde jańa aýylsharýashylyq tehnıkalaryn satyp alýǵa salyqtyq jeńildikter qarastyrylǵan. Eń bastysy – erinbeı jumys isteý kerek. Bul jaǵdaıda topyraqtyń qunarlylyǵyn baǵamdap, jańa tehnologııalardy engizý, tek joǵary sapaly tuqymdardy paıdalaný, mıneraldy tyńaıtqyshtardy ýaqytynda qoldaný jáne aýyspaly egistik tásiline den qoıý asa mańyzdy.

Jambyl oblysy elimiz boıynsha alǵash ret aýyl sharýashylyǵy tehnıkasyn jańartý úshin trade-in ádisin qoldana bastady. Jyl sońyna deıin biz 100 birlik eski tehnıkany qabyldap, sharýalarǵa sonsha jańa tehnıkany usynbaqpyz. Bolashaqta óz óndirisimizdi qurýymyz qajet», - dedi Berdibek Saparbaev.

«AgromashHoldıng KZ» AQ vıtse-prezıdenti Meırambek Sándibekov aımaq basshysyna senim artqany úshin alǵys bildirip, jobany ári qaraı damyta túsýge nıetti ekendigin jetkizdi.

«Bizdiń tehnıkalar senimdi ári ózderin jaqsy jaǵynan dáleldep keledi. Oblys ákimdigimen birlese otyryp, jergilikti agrarlyq sektorǵa jańa tehnologııalardy engizetin bolamyz», - dep túıindedi zaýyt ókili.

Sharýalar atynan sóz alǵan baızaqtyq «Baınazarov» sharýa qojalyǵynyń jetekshisi Hamıdýlla Baınazarov talap etiletin qujattar sany edáýir qysqarǵanyn, jalpy alǵanda jańa qondyrǵylar satyp alý sharýalar úshin qol jetimdi bola bastaǵanyn atap ótti.

Aıta ketý kerek, sońǵy úsh jylda oblysymyzda aýylsharýashylyq tehnıkalaryn jańartý qarqyny eki eseden astamǵa, ıaǵnı 4-ten 10 paıyzǵa deıin artqan.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT