+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Saparbaev elordaǵa qonys aýdarýshylar týraly: Biz tyıym sala almaımyz

2019 jylǵy 9 qazan 14:28
Bólisińiz:
Saparbaev elordaǵa qonys aýdarýshylar týraly: Biz tyıym sala almaımyz

NUR-SULTAN. QazAqparat – Úkimet basshysynyń orynbasary Berdibek Saparbaev óńir turǵyndarynyń elordaǵa qonys aýdarýy máselesine qatysty pikir bildirdi, dep habarlaıdy QazAqparat tilishisi.

«Árbir adam elordada turýǵa qyzyǵýshylyq tanytady, sondaı-aq kóbisi óz balalarynyń Nur-Sultandaǵy joǵary oqý oryndarynda bilim alǵanyn qalaıdy. Bul turǵyda tıisti túsindirý jumystaryn júrgizý kerek, sebebi Nur-Sultan qalasynyń múmkindigi sheksiz emes qoı. Bul turǵyda shahardyń ózindik qýaty men qajettiligi bar», - dedi B. Saparbaev Parlament Májilisiniń jalpy otyrysynan keıin tilshiler saýalyna jaýap bere otyryp.

Úkimet basshysynyń orynbasary bul máselede turǵyn úımen, balabaqshamen jáne mekteppen qamtamasyz etý sharalary ekenin atap ótti.

«Biz tyıym sala almaımyz, alaıda qaı jerde tıisti jaǵdaı jasalǵandyǵy týraly túsindirý sharalary júrgizilýi kerek. Jumyssyz jáne baspanasyz elordada ómir súrý qıynǵa túsedi», - dedi B. Saparbaev.

Onyń sózine qaraǵanda, búginde óńirlerde ómir súrý jaǵdaıyn jaqsartý boıynsha tıisti baǵdarlamalar júzege asyrylýda. Máselen, Elbasynyń tapsyrmasyna sáıkes ázirlengen «Aýyl – el besigi» arnaıy baǵdarlamasy bar.

«Osy baǵdarlamanyń negizinde ınfraqurylym qurylýda. Bul turǵyda tıisti jaǵdaı jasaý úshin 3 myńǵa jýyq eldi meken aıqyndaldy», - dedi Úkimet basshysynyń orynbasary.

Eske salsaq, keshe QR Prezıdenti Qasym-Jomart Toqaevtyń qatysýymen ótken jıynda elorda ákimi Altaı Kólginov qala halqynyń sany turaqty ósip kele jatqany týraly aıtqan edi.
Bizdiń kanalymyzǵa jazylyńyz:

Basty sózder: QR Úkimeti, Nur-Sultan, Qoǵam,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT