+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Sapaly bilim úshin mektep bir aýysymda jumys isteýi kerek – Ulttyq keńes

2020 jylǵy 27 mamyr 11:49
Bólisińiz:
Sapaly bilim úshin mektep bir aýysymda jumys isteýi kerek – Ulttyq keńes

NUR-SULTAN. QazAqparat – Ulttyq qoǵamdyq senim keńesiniń múshesi, qoǵam qaıratkeri Raýan Kenjehanuly Qazaqstan mektepterin bir aýysymda oqý rejımine kóshirýdi usyndy, dep habarlaıdy QazAqparat tilshisi.

«Qazaqstanda bilim berý sapasyn arttyrýǵa basty kedergi – mektep jaǵdaıy dep oılaımyz. Naqtyraq aıtsaq, Qazaqstanǵa mektep jetispeıdi. Qazirgi tańda elimizdegi 7400 mektepte jalpy sany 3,5 mln asa bala bar. Onyń 70% - eki aýysymda, al 200 myń bala úsh aýysymda oqıdy», - dep atap ótti spıker Ulttyq qoǵamdyq senim keńesiniń onlaın formattaǵy 3-otyrysynda.

Onyń aıtýynsha, Qazaqstan sońǵy jyldary bilim berýdiń mazmunyn jańartýǵa kóp kúsh saldy. Іlgeri damyǵan elderdiń talaptaryna baǵyttaldy.

«Biraq, biz talaptaryna umtylyp otyrǵan elderdiń eshqaısysynda úsh nemese eki aýysymda oqytatyn mektep joq. Al sapaly bilim berý úshin mekteptiń bir aýysymda jumys isteýi mańyzdy. Bizdiń esebimizshe, orta bilim berý júıesin tolyqtaı bir aýysymǵa ótkizý úshin Qazaqstanǵa shamamen 3 myńdaı jańa mektep qajet. Árıne, mundaı asa aýqymdy máseleni memleket tek óz kúshimen tez arada sheshe almaıdy. Bizdiń usynymyz - mektep salýǵa jeke qorlardy keńinen tartý», - dedi R. Kenjehanuly.

Spıker qazirgi memlekettik jekemenshik áriptestik quraly jáne bilim berýdi jan basyna qarjylandyrý tetigi mektep salýǵa jeke qarajatty, sonyń ishinde sheteldik qorlardy tartýǵa múmkindik beredi dep esepteıdi.

«Alaıda, osy atalǵan tetikter aıasyndaǵy bıznesti ekonomıkalyq turǵydan yntalandyrý sharalary jetkiliksiz. Olardy qaıta qarap, keńeıtý qajet dep sanaımyz. Sonymen birge, daǵdarystan keıingi ekonomıkany jandandyrýdyń bir amaly retinde mektep qurylysyn da qarastyrýǵa bolar edi. Aýqymdy mektep qurylysynyń ekonomıka men qoǵamǵa uzaq merzimde bereri mol ekenine senimdimiz. Tıisti esepterimiz ben naqty usynystarymyzdy Bilim jáne ǵylym mınıstrligine berdik», - dedi Raýan Kenjehanuly.

Aıta keteıik, QR Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr. Kezekti otyrys adamı kapıtaldy damytýǵa, atap aıtqanda, bilim berý, densaýlyq saqtaý máselelerine arnalǵan.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT