+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Sanaqtan onlaın ótkender sany 5 mıllıonnan asty

2021 jylǵy 22 qyrkúıek 18:12
Bólisińiz:
Sanaqtan onlaın ótkender sany 5 mıllıonnan asty

NUR-SULTAN. QazAqparat - Sanaqtan onlaın ótkender qatary 5 mıllıonnan asty. Osylaısha búginde sanaqqa qatysqan halyq úlesi 26,3%-ti qurady, dep habarlaıdy QazAqparat Ulttyq statıstıka bıýrosynyń baspasóz qyzmetine silteme jasap.

Uqsas jańalyqtar

22 qyrkúıek saǵat 15:00-degi jaǵdaı boıynsha 5003105 respondent onlaın sanaqtan ótti. Olardyń 4323686-sy sanaq.gov.kz saıtynda, 484878 adam Egov portalynda tirkelý arqyly jaýap berse, 194541 adam sanaqqa Aitu qosymshasy arqyly qatysty.

Onlaın sanaqtan ótkender sany boıynsha Túrkistan oblysy alda. Munda 603743 turǵyn sanaqtan ótkeni jaıly habarlama alǵan. Onlaın sanaqtan ótken taǵy 527233 adam Almaty oblysynda tirkelgen. Úzdik úshtikti Shyǵys Qazaqstan oblysy túıindedi. Munda 437656 adam sanaq saýaldaryna jaýap berdi.

Bul kórsetkish boıynsha ázirge sońǵy eki oryndy Mańǵystaý jáne Soltústik Qazaqstan oblystary enshilep tur. Bul óńirlerde sáıkesinshe 136773 jáne 133377 adam sanaqtan ótipti.

Al, jergilikti halyq sanyna shaqqandaǵy sanaqtan ótkenderdiń úlesi boıynsha Qyzylorda oblysy alda tur. Munda azamattardyń 43% saýaldarǵa jaýap bergen (1 tamyzdaǵy jaǵdaı boıynsha óńirde 823052 adam tirkelgen). Bul kórsetkish boıynsha Batys Qazaqstan oblysy ekinshi orynda. Munda turǵyndardyń 35,9% búginge deıin sanaqtan onlaın rejımde ótken (1 tamyzdaǵy jaǵdaı boıynsha óńirde 749754 adam tirkelgen).

Ulttyq statıstıka bıýrosy azamattardyń belsendiligi úshin alǵys aıta otyryp, sanaqty onlaın ótýge shaqyrady. sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady. Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin. Qazaqstanda árkim mańyzdy!


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT