+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Samuryq-Qazynanyń» taza tabysy 809 mlrd teńgeni qurady

2021 jylǵy 24 qyrkúıek 11:58
Bólisińiz:
«Samuryq-Qazynanyń» taza tabysy 809 mlrd teńgeni qurady

NUR-SULTAN. QazAqparat - Bıylǵy jyldyń birinshi jartyjyldyǵynyń qorytyndylary boıynsha «Samuryq-Qazyna» AQ kompanııalar tobynda qarjylyq kórsetkishter 2021 jyldyń birinshi jartysyna belgilengen jospardan tys oryndalyp, 2020 jyldyń kórsetkishterinen asyp jyǵyldy.

6 aıdyń qorytyndysy boıynsha taza tabys 809 mlrd teńgeni qurady. Bul ótken jyldyń sáıkes merzimimen salystyrǵanda 3,5 esege artyq. Al, jospar boıynsha taza tabys 217 mlrd teńge bolady dep boljanǵan. Bul týraly brıfıngte «Samuryq-Qazyna» Qorynyń ekonomıka jáne qarjy jónindegi basqarýshy dırektory Názıra Nurbaeva málimdedi.

Kompanııalar tobynyń operatsııalyq kirisi 2021 j. qańtar-maýsym aralyǵynda 817 mlrd teńgeni qurady. Bul josparly mejeden 456 mlrd teńgege artyq.

Aldyn ala baǵalaý boıynsha 2021 jyldyń qorytyndysy boıynsha jıyntyq taza tabys 1,195 mlrd teńge bolady dep boljanýda. ıAǵnı, pandemııaǵa deıingi 2019 jyldyń kórsetkishterine jýyq jáne 2020 jyldyń nátıjelerinen eki ese artyq.

Qarjylyq kórsetkishterdiń ońalýyna munaı baǵasynyń ortasha eseppen barreline 67$ deıin ósýi, munaı óńdeý kóleminiń 13%-ǵa ulǵaıýy, elektqýatyn óndirý men tasymaldaý kóleminiń 22% jáne 20%-ǵa artýy, júk tasymalynyń 3% arta túsýi jáne konteınerlik tranzıttiń 32% ulǵaıýy yqpalyn tıgizgen.

Bıylǵy jyly jolaýshylar tasymalynda da kórsetkishterdiń jaqsaryp kele jatqany baıqalyp otyr. Temir jolmen jolaýshylar tasymaldaý 46% arta tústi. AirAstana men Qazaq Air 8 aıdyń qorytyndysy boıynsha byltyrǵy jyldyń sáıkes merzimimen salystyrǵanda 2 ese kóp jolaýshy tasymaldady.

«Jaqsaryp kele jatqan qarjylyq kórsetkishterdi jáne turaqty makroekonomıkalyq boljamdardy eskere otyryp, Qor shyǵyndardy ońtaılandyrý sharalaryn iske asyrýdy jalǵastyrady. Jyldyń qorytyndysy boıynsha jalpy jáne ákimshilik shyǵyndardan shamamen 10 mlrd teńge únemdeledi. Budan bólek, bıyl kompanııalar tobynda merzimi ótip ketken debıtorlyq qaryzdy 8,5 mlrd teńgege deıin qysqartý jónindegi jumys júrgizildi», - dedi Názıra Nurbaeva.

Birinshi jartyjyldyqtyń qorytyndysy boıynsha Qor tobyna kiretin kompanııalarda qarjylyq turaqtylyq boıynsha kórsetkishterdiń aıtarlyqtaı jaqsarýy baıqalyp otyr. Qaryz/EBITDA kórsetkishi 2020 jylmen salystyrǵanda toptyń EBITDA kórsetkishin 737 mlrd teńgege jaqsarýy arqasynda 3,6 dan 2,8-ge deıin azaıdy. Bul kórsetkish 2,7 ge deıin qysqarady dep boljanyp otyr. Bul kompanııalar tobynyń qarjylyq turaqtylyǵyn aıǵaqtaıdy.

Qordyń jalpy qaryzy 2% artty. Neigizinen teńge baǵamynyń álsireýi jáne toptyń ınvestıtsııalyq jobalaryn iske asyrýǵa alynǵan nesıeler esebinen. Jalpy, qaryz portfeliniń tepe-teńdigi saqtalyp, Qor kórsetkishterine valıýta baǵamdarynyń ózgerýi aıtarlyqtaı áserin tıgizgen joq.

Spıkerdiń aıtýynsha, kúrdeli ekonomıkalyq ahýalǵa qaramastan, Qor kompanııalary qarjylyq turaqtylyqty nyǵaıtý sharalaryn toqtatqan emes. Bıylǵy jyly «QazMunaıGaz» UK» AQ jáne «QazTransGaz» AQ eýrooblıgatsııa shyǵarý sharttaryn jaqsartýǵa qol jetkizdi. Kompanııalar toby qoldanystaǵy nesıelerdi qaıta qarjylandyrý jáne qaryz alý baǵasyn arzandatý sharalaryn jalǵastyratyn bolady.

Bıylǵy jyldyń mańyzdy oqıǵalarynyń biri – «Samuryq-Qazyna» Qorynyń uzaqmerzimdi jáne qysqamerzimdi reıtıngterin halyqaralyq Standard&Poors reıtıng agenttigimen joǵarylatýy boldy. Shetel jáne ulttyq valıýtadaǵy mindettemeler boıynsha «VVV-» deńgeıine deıin joǵarylap, boljam – «Turaqty» belgilendi.

«Búgin Moody’s reıtıng agenttigi Qordyń buqaraǵa arnalǵan reıtıngin jarııalaýy tıis – elimizdiń egemen reıtıngisiniń ulǵaıýymen qatar Qordyń reıtıngi de Vaa2 deńgeıine deıin kóteriledi, boljam – «Turaqty» bolady dep kútilýde», - dedi Názıra Nurbaeva


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT