«Samuryq-Qazyna» dárigerlerge 100 jedel járdem kóligi men 1000 ottegi kontsentratyn beredi

NUR-SULTAN. QazAqparat – «Samuryq-Qazyna» ál-aýqat qory men Densaýlyq saqtaý mınıstrligi COVID-19 indetine qarsy kúreste yntymaqtastyq týraly memorandýmǵa qol qoıdy. Qol qoıý rásimine qordyń basqarma tóraǵasy Ahmetjan Esimov pen Qazaqstan Respýblıkasynyń Densaýlyq saqtaý mınıstri Alekseı Tsoı qatysty, dep habarlaıdy QazAqparat tilshisi.

Uqsas jańalyqtar

Dýbaıdan ushyp kelgen 4 qazaqstandyqtan koronavırýs tabyldy

Koronavırýs: Bir táýlikte Teńiz kenishindegi naýqastar 81 adamǵa kóbeıdi COVID-19-ǵa qarsy vaktsına: Álemdegi jaǵdaı qandaı Soltústik Qazaqstannyń 10 aýdanynda KVI juqtyrýdyń jańa jaǵdaılary tirkeldi

Memorandým aıasynda «Samuryq-Qazyna» ulttyq ál-aýqat qory 100 jedel járdem kóligin, 1000 ottegi kontsentratyn, 50 ókpeni jasandy jeldetý apparatyn, 1000 pýlsoksımetr jáne 3000 «Avıfavır» vırýsqa qarsy dárisin satyp alyp, QR Densaýlyq saqtaý mınıstrligine tapsyrýdy bastady. Kómektiń bul túrleri QR Densaýlyq saqtaý mınıstrligimen kelisile otyryp, kómektiń tapshylyǵy retinde tańdalyndy.

«Bul sharalardyń barlyǵyn el Prezıdenti Qasym-Jomart Toqaev qoldady. Ózderińiz biletindeı, jaqynda Elbasymen kezdesý ótip, onda ol qordyń ishki qorynan Nur-sultan jáne Almaty qalalarynda eki medıtsınalyq ortalyq salýǵa qarajat bólýdi tapsyrdy. Bul ortalyqtar halyqqa medıtsınalyq qyzmet kórsetý úshin ǵana emes, sonymen qatar ǵylymı-zertteý áleýetin shoǵyrlandyrýǵa arnalǵan bolady. Atalǵan jumysty biz bastadyq, qarajatty rezervke saldyq», - dep atap ótti Ahmetjan Esimov.

Sóz sońynda qor basshysy QR Densaýlyq saqtaý mınıstrliginen medıtsına ortalyqtary boıynsha tehnıkalyq tapsyrma alýdy tezdetýdi, al atalǵan qalalardyń ákimderinen tıisti kommýnıkatsııalary bar jer ýchaskelerin bólýdi surady.

«QR Densaýlyq saqtaý mınıstrligi atynan Qordyń kórsetken korporatıvtik áleýmettik jaýapkershiligine jáne juqpaly aýrýlardyń, onyń ishinde koronavırýstyń órshýine qarsy kúreste ulttyq densaýlyq saqtaý júıesin nyǵaıtýǵa yqpal etkenine alǵys bildirýge ruqsat etińizder. Memorandým qazirgi epıdemıologııalyq qaýip-qaterge der kezinde jáne qajetti sharalar qabyldaýǵa múmkindik beretinine senimdimin»,- dedi Alekseı Tsoı.

«Avıfavır» - klınıkalyq synaqtarda tıimdiligin rastaǵan álemdegi koronavırýsqa qarsy eki dáriniń biri. Koronavırýsty emdeýge arnalǵan dárini «Samuryq-Qazyna» qory «Reseı tikeleı ınvestıtsııalar qorynyń Basqarýshy kompanııasy» AQ-nan satyp alǵan.

Ahmetjan Esimov dárini jasaýshy «Reseı tikeleı ınvestıtsııalar qorynyń Basqarýshy kompanııasy» AQ-men onlaın-konferentsııa barysynda onyń basshysy Kırıll Dmıtrıevke osy preparattardy satyp alý múmkindigi úshin alǵys aıtty.