+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Samýraılardyń qorǵanysyn tas-talqan etken Іkeı batyr týraly ne bilemiz? - Sheteldegi qazaq tildi BAQ-qa sholý

2021 jylǵy 11 qyrkúıek 12:58
Bólisińiz:
Samýraılardyń qorǵanysyn tas-talqan etken Іkeı batyr týraly ne bilemiz? - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
SQO-da qandastar men qonys aýdarýshylardy qoldaý ortalyǵy ashyldy Atyraý oblysyna shetelden 254 qandas kóship keldi Bıyl 14 myńnan astam etnıkalyq qazaq qandas mártebesin aldy

«Bir beldeý - bir jol» ádebıet odaǵy quryldy - «Jenmın jıbao» (People Daily)

7 qyrkúıek kúni Beıjińde Qytaı jazýshylar qaýymdastyǵynyń bastaýymen «Bir beldeý - bir jol» ádebıet odaǵy quryldy. Dúnıeniń ár jerinen kelgen qaýymdastyq músheleri qurylý saltanatyna qatysty, dep habarlaıdy People Daily.

«Atalmysh odaqtyń qurylýyndaǵy maqsat - ádebıet almasýyn nyǵaıtýǵa, jazýshylar arasyndaǵy dostyqty bekemdeýge, kórnekti ádebı shyǵarmalardy aýdarý jáne taratýǵa járdemdesý, órkenıetterdiń almasýy men ózara úırenýge qolaılylyq ornyqtyrý. Sol arqyly halyqtar arasyndaǵy aýys-túıisti nyǵaıtýǵa baǵyttalady», dep jazdy qytaılyq BAQ.

«Jenmın jıbao»-dyń keltirgen deregine súıensek, «Bir beldeý - bir jol» ádebıet odaǵy kóptegen elderdiń ádebı qaýymdystyqtary men jazýshylarynyń qoldaýyna ıe bolǵan. Qytaı Jazýshylar qaýymdastyǵynan basqa, Qazaqstan, BAÁ, Pákistan, Palestına, Fılıppın, Koreıa syndy 35 memlekettegi 30 qoǵam da yqpaldy ádebı toptar, 19 ádebıetshiler men aýdarmashylar odaǵynyń negizin qalaýshy retinde birikti.

Aıta keteıik, Odaqtyń hatshylyǵy Qytaı Jazýshylar qaýymdastyǵynda ornalasqan. Sol kúni «Bir beldeý - bir jol» ádebıet odaǵynyń resmı saıty ashylǵan.

Samýraılardyń qorǵanysyn tas-talqan etken Іkeı batyr týraly ne bilemiz? - Kaznews

Saıahatshy H.Enhtaıvan áleýmettik jelisinde Іkeı batyr Mázimuly týraly qyzyqty jazba jarııalap, qazaqtyń qaısar uly týraly málimetpen bólisip, jastarǵa batyr týraly keńirek oqýǵa shaqyrdy, - dep habarlaıdy Kaznews aqparattyq portaly.

«Baıan-Ólgıı aımaǵyna saıahattap barǵan jastardyń bári osynaý keremet eskertkishtiń janynda turyp sýretke túsip jatqany baıqalady. «Kimniń balasy, ne úshin osylaı máńgilik estelikke aınalǵan…» degen oı keıbireýlerdi mazalaıtyny sózsiz. Bul Mońǵol Halyq Respýblıkasynyń batyry, qazaq halqynyń qaısar uly Іkeı Mázimulynyń eskertkishi», dep jazady mońǵolııalyq BAQ.

Aıta keteıik, 1939 jyly Japonııa mılıtarısteri Mońǵolııa jerine Halhın ǵol boıynda basyp kirgende Іkeı Mázimuly soǵysqa L.Dandar basqarǵan 6-atty ásker dıvızııasynyń 15-polk komandıri retinde qatysady. 1939 jyly 24 shildede Іkeı Mázimuly jaýdyń qorǵanys shebin buzyp kirý buıryǵyn alady. Rotasyn bastap, samýraılardyń shebin buzyp, qorǵanysyn tas-talqan etip, zeńbirektiń dóp tıgen oǵynan jaralanyp, sońǵy demi shyqqansha shabýyldap, otan úshin erlikpen qaza tapqan qazaqtan shyqqan qas batyrdyń biri.

Kaznews aqparattyq portalynyń keltirgen deregine súıensek, Mázimuly Іkeıge 1979 jyly Halhın gol soǵysynyń 40 jyldyq dataly merekesinde «Mońǵol Halyq Respýblıkasynyń Batyry» ataǵy berilgen.

«Halhın gol soǵysynyń ańyzy L.Dandar batyr jazýshy S.Dashdoorovqa bergen suhbatynda: «Meni batyr deısińder. Biraq naǵyz batyr – Mázimniń Іkeıi edi. Soǵys aıaqtalǵanǵa deıin men Іkeıdeı batyrǵa kezdesken emespin. Ol sońǵy bir tamshy qany bitkenshe rotasyn bastap maıdanda erlik kórsetti…» degen. Keıin Halhın gol soǵysynyń dataly merekesinde Dandar batyr soǵys bolǵan jerge baryp Іkeı batyrdyń júrek shymyrlatar taǵdyryn eske alyp, toqtamaı jylaǵan desedi», dep jazady Kaznews aqparattyq portaly Іkeı batyr týraly jazbasynda.

Toqaev: Álemdik qaýymdastyq Aýǵanstandy jalǵyz qaldyrmaýy tıis - Parstoday

Irandyq Parstoday aqparattyq portalynda osyndaı taqyryptaǵy aqparat jaryq kórdi.

Qazaqstan Prezıdenti álemdik qaýymdastyqtyń osyndaı qysyltaıań shaqta Aýǵanstandy jalǵyz qaldyrmaıtynyna úmit bildirdi, dep habarlaıdy atalǵan BAQ.

Parstoday aqparat agenttiginiń habarlaýynsha, Qasym-Jomart Toqaev bul sózderin Nur-Sultandaǵy shet elderdiń birqatar jańa elshisiniń senim gramotalaryn qabyldaý rásiminde aıtqan.

«Qazaqstan-Ózbekstan: Táýelsizdik dastany» atty konferentsııa ótti - «ÓzA»

Qazaqstan Respýblıkasynyń Ózbekstandaǵy elshiligi jáne Túrkistan oblystyq mádenıet basqarmasynyń qoldaýymen A.S.Pýshkın atyndaǵy Túrkistan oblystyq ǵylymı kitaphanasy jáne Á. Naýaı atyndaǵy Ózbekstan ulttyq kitaphanasy ókilderiniń qatysýynda «Qazaqstan-Ózbekstan: Táýelsizdik dastany» atty halyqaralyq onlaındy konferentsııasy ótti, dep habarlady «ÓzA» memlekettik aqparat agenttigi.

Eki eldegi bedeldi kitaphana ókilderi men zııaly qaýym, muǵalim, ǵalymdar men bir top BAQ ókilderi qatysqan aıtýly konferentsııada, Táýelsizdik jyldary qol jetkizilgen jetistikter men birge Egemendik jolynda arman-maqsattardyń oryndalǵany jaıly sóz aıtyldy.

Ózbektsandyq BAQ-tyń dereginshe, konferentsııada eki baýyrlas halyqtyń arasyndaǵy dostyq, táýelsizdik jyldaryndaǵy yntymaqtastyq máseleleri talqylandy. Atap aıtqanda, táýelsizdik jyldarynda Qazaqstannyń ózindik beınesi, erekshelikteri men mártebesi bar tabysty elge aınalǵany aıtylǵan. Ortalyq Azııadaǵy Ózbekstan men Qazaqstannyń bedeli, aımaqtaǵy áleýeti jáne tatý kórshilik yntymaqtastyǵy týraly baıandama oqyldy.

Aıta keteıik, konferentsııanyń ótý barysy feısbýk áleýmettik jelisi arqyly tikeleı efırde kórsetildi.


Bizdiń kanalymyzǵa jazylyńyz:

#Qandastar   #BAQ  
Bólisińiz:

Avtor:

Beısen Sultan

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT