Samat Ábish Qazaqstanda - Ulttyq qaýipsizdik komıteti
2022 jylǵy 22 maýsym 11:17

Samat Ábish Qazaqstanda - Ulttyq qaýipsizdik komıteti

NUR-SULTAN. QazAqparat – Tergeý amaldary aıasynda Samat Ábishten jaýap alynyp jatyr. Bul týraly QR Ulttyq qaýipsizdik komıteti tóraǵasynyń orynbasary Asqar Ámirhanov aıtty, dep habarlaıdy QazAqparat tilshisi.

Alaıda ol tergeý amaldary barysynda S. Ábish kúdikti nemese kýáger ekenin naqtylamady.

A. Ámirhanovtyń aıtýynsha, tergeý organdary Samat Ábishti jaýap berýge shaqyrtyp júr.

«Samat Ábish tergeý orbıtasynda. Ol jaýap berip jatyr. Onyń statýsyn bilmeımin jáne ol dál qazir Qazaqstanda ekenin bilemin. S. Ábishti ózim kórmedim. Meniń oıymsha, tergeý amaldary júrip jatyr. Ol sonda bolýy kerek», - dedi Asqar Ámirhanov Májileste tilshiler saýalyna jaýap bere otyryp.

Budan buryn habarlanǵandaı, bıyl qańtar aıynda Memleket basshysynyń ókimimen Samat Satybaldyuly Ábish Qazaqstan Respýblıkasy Ulttyq qaýipsizdik komıteti tóraǵasynyń birinshi orynbasary laýazymynan bosatyldy.





Jańalyqtar

Úrdis

MURAǴAT