+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Samarqanda qazaq batyryna eskertkish qoıylady - Sheteldegi qazaqtildi BAQ-qa sholý

2019 jylǵy 1 maýsym 12:18
Bólisińiz:
Samarqanda qazaq batyryna eskertkish qoıylady - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA ádettegideı shet eldegi qazaq tilinde taraıtyn aqparat kózderine aptalyq sholýyn usynady.

Saǵattyq jyldamdyǵy 600 shaqyrymdyq poıyz shyǵaryldy - Tıanshannet

null

Qytaıdyń Chıńdaý qalasynda joǵary jyldamdyqty magnıtti qalqymaly synaq poıyzynyń úlgisi kópshilikke tanystyryldy.

«Mamyrdyń 23 kúni saǵattyq jyldamdyǵy 600 shaqyrym bolatyn, magnıtti qalqymaly synaq úlgidegi poıyzdyń Chıńdaý qalasynda jasalǵany málim boldy. Bul elimizdiń joǵary jyldamdyqty magnıtti qalqyma tehnıkasy salasynda tyń nátıjege qol jetkizgenin kórsetedi» dep jazdy «Tıanshannet» aqparattyq portaly.

Atalǵan aqparat kóziniń málimetinshe, bul jolǵy shara ozyq tehnıkamen óndirilgen poıyzdy halyqqa tanystyrý eken.

«Saǵattyq jyldamdyǵy 600 shaqyrym bolyp otyrǵan magnıtti qalqyma synaq poıyzy elimizdiń osy salada tabysqa jetkenin aıqyn kórsetedi. Synaq úlgisindegi bul poıyz - joǵary qarqyndy magnıtti qalqymaly nysanynyń mańyzdy kórinisi. Osy arqyly joǵary jyldamdyqtaǵy kóliktiń tehnıkasy men júıesiniń bólshekterin tekserýge jáne sapasyn arttyrýǵa bolady. Magnıtti qalqyma kóliktiń jyldamdyǵy joǵary, shýyly tómen, terbelisi az, jolaýshy tasýda qaýipsiz. Onyń tózimdiligi de erekshe. Ári bul poıyz arqyly temirjol men áýe qatynasy arasyndaǵy aıyrmashylyqty birshama azaıtýǵa bolady», - dep jazady kazakh.ts.cn.

Aıta keteıik, magnıtti qalqyma poıyzdar magnıtoplan nemese maglev dep atalady. Olar bolat joldarmen magnıtti óristiń kúshimen qozǵalady. Mundaı quramdar, dástúrli poıyzdarmen salystyrǵanda qozǵalys barysynda relstiń ústimen janaspaıdy. Sebebi temirjol men poıyzdyń arasynda keńistik bolady.

Samarqanda Jalańtós Bahadúrdiń eskertkish músini qoıylady - «ÓzA» aqparattyq agenttigi

null

Qazaq halqynyń birtýar batyry, dańqty qolbasshy Samarqan jerinde 44 jyl bılik etken Jalańtós Bahadúr Seıitqululyna, ózi bılik etken meken Samarqan jerinde eskertkishi qoıylady.

Bul jaıynda Samarqan ákiminiń orynbasary Rýstam Qobılovtyń qatysýymen ótken baspasóz máslıhatynda aıtyldy, dep habarlaıdy Ózbekstannyń «ÓzA» memlekettik aqparattyq agenttigi.

Sondaı-aq bıylǵy jyldyń 20 maýsym kúni Samarqan qalasynda Jalańtós Bahadúrdiń áskerı áleýeti jáne batyrdyń tarıhı kezeńine arnalǵan «Jalańtós Bahadúrdiń Ortalyq Azııa áleýmettik-saıası jáne mádenı ómirindegi orny» taqyrybynda halqaralyq konferentsııa ótkizilmek. Al batyrdyń eskertkish músini osy koferentsııa aıasynda ashylýy josparlanyp otyrǵan kórinedi.

«Saıypqyran Ámir Temirden keıin Samarqannyń órkendeýine septigi tıgen batyrdyń biri - Jalańtós Bahadúr. Ol daryndy qolbasshy ǵana emes, uly sáýlet óneriniń de qamqorshysy bola bildi. Batyr qazirgi kúni de Samarqannyń sımvoly sanalatyn Regıstan alańyndaǵy Ulyqbek medresesiniń qasynan 1619-1636 jyldary «Shırdor» (Arystan qaqpa) medresesin saldyrǵan. 1646-1660 jyly eki medreseniń ortasynan «Tıllakorı» (Altynmen aptalǵan) medresesiniń qurylysy tikeleı Jalańtós batyrdyń bastamasymen salynǵan. Atalǵan konferentsııa aıasynda «Shyǵys estradasy» XII halqaralyq festıvalin de ótkizý josparlanyp otyr» dep jazdy Ózbekstandyq basylym.

Qytaı kompanııasy myń áıeldi Túrkııaǵa alyp keldi - TRT

null null

Qytaıdyń áıgili kosmetıka kompanııasy myń áıelge Túrkııa demalysyn syılaǵan. Dástúrli kıimderimen Kappadokııa eldimekenine kelgen áıelder Peri murjalaryn aralady. Bul týraly osy aptada Túrkııanyń Televızııa jáne radıo mekemesiniń saıty habarlady.

«Áýe joly arqyly Ystanbulǵa kelip, avtobýstarmen Kappadokııaǵa jetken delegatsııa óńirdiń tarıhı jáne týrıstik mekenderin aralap, qydyrdy. Góreme aımaǵyndaǵy Kylychlar saıyna kelip jetken qyzyl kóılek kıgen áıelderdiń ózderi de tamasha kórinis qalyptastyrdy», dep jazady atalǵan aqparat kózi. Peri murjalary jáne tabıǵı jartastar arasynda qydyrǵan qytaılyq týrıster keıinnen qytaı tilinde jazylǵan qaǵazben birge sýretke tústi.

Ystanbul, Kappadokııa, Antalııa jáne Pamýkkaleni qamtyǵan bir aptalyq saıahattan keıin elderine oralatyn týrıster Túrkııanyń tarıhı jáne mádenı jádigerlerine tánti boldy, deıdi TRT.

Qudys sherýi Irannyń 950 qalasynda ótedi - «Fars» aqparat agenttigi

null

Irannyń Islamdyq úgit-nasıhat keńesiniń Qudys jáne ıntefaza shtabynyń basshysy bıyl Dúnıejúzilik Qudys kúnine arnalǵan sherýlerdiń Iran Islam Respýblıkasynyń 950 qalasynda ótetini týraly habarlady. Bul jaıynda osy aptada «Rarstoday» aqparat agenttigi málimdedi.

Irannyń Islamdyq úgit-nasıhat keńesiniń Qudys jáne ıntefaza shtabynyń basshysy Ramazan Sharıf baspasóz jıynynda, bıylǵy Dúnıejúzilik Qudys kúni eldiń túkpir-túkpirinde atalyp ótetinin aıtqan.

«Bul kúnge baılanysty sherýler 40 jyl boıy jalǵasyp kele jatqandaı, Dúnıejúzilik Qudys kúnine qatysty bolady. Qasıetti Ramazan aıynyń sońǵy jumasynda, Irannyń túkpir-túkpirinde ótedi», - degen ol.

IIR irgetasyn qalaýshysy ımam Homeınıdiń usynysymen qasıetti ramazan aıynyń sońǵy jumasy «Dúnıejúzilik Qudys kúni» dep atalǵan bolatyn.

Barkólde myń adam qatysqan velosıped jarysy ótti - Tıanshannet

null

Shynjańnyń Qumyl aımaǵyna qarasty Barkól Qazaq avtonomııaly aýdany - ǵajaıyp tabıǵatymen alys jaqynnan kelgen týrısterdi ózine baýraıtyn shuraıly meken. Osy aptanyń basynda sol aýdandaǵy kórikti oryndardyń biri «Barkól kóli» mańynda myń adamdyq áýesqoı sportshylardyń velosıped jarysy ótti. Bul týraly «Tıanshannet» aqparattyq portaly málimdegen bolatyn.

Bul sharanyń ótýi «Qytaı saıahat kúni» dep atalatyn memlekettik merekege tuspa-tus kelip otyr. Jarysqa Qumyl, Úrimji, Sanjy sekildi alys jerlerden kelgen velosıped áýeskerleri de qatysqan.

Bizdiń kanalymyzǵa jazylyńyz:

Basty sózder: Qandastar, Internet, BAQ,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT