+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Samal Eslıamova túsken «Barymtashylar. Ýaqyt joly» fılmi Frantsııanyń 21 qalasynda prokatqa shyqty

2021 jylǵy 29 shilde 13:58
Bólisińiz:
Samal Eslıamova túsken «Barymtashylar. Ýaqyt joly» fılmi Frantsııanyń 21 qalasynda prokatqa shyqty

NUR-SULTAN. QazAqparat – Samal Eslıamova basty róldi somdaıtyn «Barymtashylar. Ýaqyt joly» fılmi Frantsııanyń 21 qalasynda prokatqa shyqty, dep habarlaıdy QazAqparat.

Uqsas jańalyqtar
Almatyda tuńǵysh ret respýblıkalyq «Qobyz saryny» baıqaýy ótti Qaraǵandy kenshiler mádenıet saraıynyń jóndeý jumystary aıaqtaldy Pragada «Qazaqstan halqynyń mádenıet kúnderi» festıvali ashyldy

Qýanyshty habardy fılm prodıýseri ıÝlııa Kım Instagram jelisinde jazdy.

«Bizdiń «Barymtashylar. Ýaqyt joldary» fılmimiz aqyry Frantsııada prokatqa shyqty jáne 21 qalada kórsetiledi! Qıyndyqqa toly bir jarym jyl ishinde kóp kúsh-jiger jumsaldy. Karantın men sanıtarlyq sharalarǵa baılanysty shyǵarylym úsh ret toqtatyldy. Bastapqyda eńsemiz túsken edi, sodan keıin qaıtadan umtylyp kórýdi uıǵardyq. Sodan keıin qaıtadan. Óıtkeni, bul fılm úlken ekrandar úshin túsirilgen edi», - dep jazdy prodıýser.

Onyń aıtýynsha, POSITIF, TÉLÉRAMA, Le Polyester syndy tanymal kınobasylymdar fılmge qoldaý kórsetýde. Áıgili Le MONDE gazetiniń saıtynda da fılm týraly jaǵymdy pikir jarııalanǵan.

«Japondyq rejısser Lıza Takebamen birge túsirgen fılmimiz álemdik kınematograf otanynda kórsetilýde. Mundaı oqıǵa meniń ómirimde birinshi ret bolyp jatyr. Men Parıj kınoteatrlarynyń birine jasyryn kirgim keledi, bizdiń fılmdi frantsýz kórermenderimen birge kórip, olardyń reaktsııasyn sezgim keledi», - deıdi fılm rejısseri Erlan Nurmuhamedov.

29 shilde kúni Parıjde barlyq sanıtarlyq talaptar saqtalyp, fılmniń arnaıy kórsetilimi ótedi. Onda qazaqtyń ulttyq taǵamdary qoıylady.

Buǵan deıin Qazaqstan men Japonııa birlesip túsirgen «Barymtashylar. Ýaqyt joly» fılmi Frantsııada 16 jeltoqsanda prokatqa shyǵýy tıis bolatyn. Kartınanyń rejısserleri - Erlan Nurmuhambetov (Qazaqstan) jáne Lıza Takeba (Japonııa). Fılminiń óndirisine Qazaqstan tarapynan Sh.Aımanov atyndaǵy «Qazaqfılm» AQ, japon tarapynan – «Tokyo New Cinema» kompanııasy atsalysqan.

Basty rólderde Kann kınofestıvaliniń júldegeri Samal Eslıamova, tanymal japon akteri Mıraı Morııama, qazaqstandyq teatr jáne kıno akteri Dýlyǵa Aqmolda jáne jas akter Mádı Menaıdarov oınady.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT