+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Salyqtyq tekserýler 344 mlrd teńgeniń zańbuzýshylyǵyn anyqtady

2020 jylǵy 11 naýryz 18:21
Bólisińiz:
Salyqtyq tekserýler 344 mlrd teńgeniń zańbuzýshylyǵyn anyqtady

NUR-SULTAN. QazAqparat - Salyqtyq tekserýler 344 mlrd teńgeniń zańbuzýshylyǵyn anyqtaýǵa múmkindik berdi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR QM Memlekettik kirister komıtetiniń tóraǵasy Marat Sultanǵazıev aıtty, dep habarlaıdy QazAqparat tilshisi.

«Salyqtyq baqylaý júrgizý úshin sýbektilerdi irikteýge múmkindik beretin táýekelderdi basqarý júıesi únemi jetildirilip otyrady. Qabyldanǵan sharalardyń nátıjesi - salyqtyq tekserý sanynyń qysqarýy sanalady. Esepti kezeń ishinde tekserý sany 28 paıyzǵa nemese 38 myńnan 27 myńǵa deıin qysqardy. Bul rette anyqtalǵan zańbuzýshylyqtar somasy 2 ese ósip otyr. Ol 344 mlrd teńgeni qurady»,- dedi komıtet basshysy.

Onyń atap ótýinshe, QR Qarjy mınıstrligi janyndaǵy Apellıatsııalyq komıssııanyń aktilerdi buzý derekteriniń 13,2 paıyzǵa qysqarýy da salyqtyq tekserý sapasynyń jaqsarǵanyn kórsetedi.

«Kedendik táýekelderdi basqarý júıesiniń tıimdiligi de taýar tazartýda - 18 paıyzǵa jáne kedendik tekserýde - 26 paıyzǵa artyp otyr. Qytaı Halyq Respýblıkasynan keletin taýarlarǵa 6 myń qundyq ındıkator engizildi. Táýekeldi taýarlardyń deklaratsııalaný qunynyń artýy da baıqalady. Nátıjesinde biz Qytaımen kedendik statıstıkalyq aıyrmashylyqty 53 paıyzdan 48 paıyzǵa deıin qysqarta aldyq»,- dedi ol.

Marat Sultanǵazıevtiń dereginshe, Qytaıdan keletin ımport kólemi 15,7 paıyzǵa ósken kezde kedendik tólemder men salyq túsimi 25 paıyzǵa artyp, 267 mlrd teńgeni qurady.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT