+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Salyq raqymshylyǵy: Qazaqstandyqtardyń 2,15 mlrd teńge ósimpuly keshirildi

2019 jylǵy 18 qarasha 14:51
Bólisińiz:
Salyq raqymshylyǵy: Qazaqstandyqtardyń 2,15 mlrd teńge ósimpuly keshirildi

NUR-SULTAN. QazAqparat – Salyq bereshegi boıynsha ósimpuldy esepten shyǵarýdy kózdeıtin raqymshylyqty 507 472 adam paıdalanǵan. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Qarjy mınıstrligi Memlekettik kirister komıteti Salyq salý ádisnamasy departamenti dırektorynyń mindetin atqarýshy Dáýlet Jarylǵasynov aıtty, dep habarlaıdy QazAqparat tilshisi.

«2019 jyldyń 1 qarashasyndaǵy jaǵdaı boıynsha, 507 472 jeke tulǵanyń ósimpuly esepten shyǵaryldy: olar jyl basynan bastap 12,1 mlrd teńge somasynda negizgi boryshyn tólegen. Osynyń arqasynda 2,15 mlrd teńge ósimpul esepten shyǵaryldy», - dedi Dáýlet Jarylǵasynov.

Óńirler turǵysynan ósimpuly eń kóp óńirler - Túrkistan oblysy, Almaty jáne Shymkent qalalary.

«Eń kóp ósimpul (971,6 mln) Almaty qalasynan esepten shyǵaryldy. Sol sekildi, Pavlodar oblysynda - 174,3 mln teńge, Almaty oblysynda - 126,9 mln teńge keshirildi. Ósimpuldyń eń az mólsheri Atyraý oblysynda - 32,7 mln teńge, Shyǵys Qazaqstan oblysynda - 27,8 mln teńge joıyldy», - dedi ol.

Qazirgi ýaqytta memlekettik kirister organdarynyń buqaralyq aqparat quraldarynda úgit-nasıhat jumystary jáne óńirlerde, ortalyq deńgeıde «salyqtyq raqymshylyq» aktsııasy boıynsha semınarlar jalǵasýda.

Eske sala ketsek, qazaqstandyqtarǵa salyqtyq raqymshylyq jasaýdy kózdeıtin zań osy jyldyń 16 shildesinde kúshine engen bolatyn. Tuńǵysh Prezıdent - Elbasy jeke tulǵalar ózderiniń salyqtary boıynsha boryshynyń negizgi somasyn tólegen jaǵdaıda ósimpuldardy esepten shyǵaryp, olar úshin salyqtyq raqymshylyq júrgizýdi Úkimetke tapsyrǵan edi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT