+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Salyq tóleýshilerdiń 2,3 mlrd teńgelik ósimpuly keshirildi

2019 jylǵy 14 tamyz 17:00
Bólisińiz:
Salyq tóleýshilerdiń 2,3 mlrd teńgelik ósimpuly keshirildi

NUR-SULTAN. QazAqparat – Salyqtyq raqymshylyqty jyl basynan beri 40 myńnan astam zańdy tulǵa men jeke kásipker paıdalanǵan, dep habarlaıdy QazAqparat tilshisi.

Uqsas jańalyqtar
Turǵyndarǵa 19 qyrkúıekten bastap jer men múlik salyǵy týraly sms-habarlamalar keledi Kókshetaýda boýlıngke salyq 8 esege tómendetildi Salyq bereshegi bar jeke tulǵa neni bilýi kerek - Memlekettik kirister komıteti

«Qazaqstanda kásipkerlikti qoldaý baǵytynda birqatar memlekettik is-shara qabyldanǵanyn bilesizder. Sony biri – Qazaqstannyń Tuńǵysh Prezıdentiniń shaǵyn jáne orta bıznes sýbektileri úshin jarııalaǵan salyqtyq raqymshylyǵy. ıAǵnı, salyq tóleýshi negizgi qaryzdy tólegen jaǵdaıda ósimaqy men aıyppuldardy syzyp tastaý tájirıbesi bizdiń elde burynnan bar. Eldegi ShOB-tyń damýyna bul qadam aıtarlyqtaı oń yqpal etedi. Qazirgi tańda Qazaqstanda 830 myńǵa tarta shaǵyn jáne orta bıznes sýbektisi bar. JІÓ-degi atalmysh sektordyń úlesi – 28 paıyz. Sońǵy 10 jylda olardyń 143,7 mlrd teńgelik ósimpuly men aıyppuly keshirilgen», - dedi QR QM MKK Aýdıt departamentiniń dırektory Jandos Dúısembıev QR QM Memlekettik kirister komıteti men Qazaqstan salyq tóleýshileri qaýymdastyǵynyń birlesken konferentsııasynda.

Komıtet ókiliniń aıtýyna qaraǵanda, raqymshylyq barlyq sanattaǵy salyq tóleýshilerdi qamtyǵan. Raqymshylyq aktsııasynyń el ekonomıkasyna oń yqpal etkenin Jandos Dúısembıev naqty statıstıkamen dáleldeýge tyrysty.

«2015 jyly júrgizilgen salyqtyq raqymshylyqqa qatysqandardyń 67 paıyzynyń qazirgi tańda salyqtyq qaryzy joq. Ol degenimiz – 122 myń zańdy tulǵa men jeke kásipker. Al 2018 jyldyń 1 qazany boıynsha respýblıkada salyqtyq qaryzy bar 90 myńnan astam shaǵyn jáne orta bıznes sýbektisi bar edi. Olardyń salyqtyq qaryzynyń jalpy somasy 340,6 mlrd teńge bolǵan. Mundaǵy negizgi qaryz – 210,4 mlrd teńge, ósimpul - 122,9 mlrd teńge, aıyppul – 7,3 mlrd teńge», - dedi ol.

Komıtet ókili óz sózinde bıylǵy salyqtyq raqymshylyq jyl sońyna deıin jalǵasatynyn eske saldy.

«Búginge deıin «Shaǵyn jáne orta bıznes úshin salyqtyq raqymshylyq» baǵdarlamasyna 40 391 salyq tóleýshi qosyldy. Olar jalpy somasy 7,8 mlrd teńgelik negizgi qaryzdy ótep, olardyń 2,3 mlrd teńgelik ósimpuly men 181 mln teńgelik aıyppuly syzylyp tastaldy», - dedi Jandos Dúısembıev.

Eske sala ketsek, Qazaqstanda salyqtyq raqymshylyq bastalatyny osy jyldyń basynda habarlanǵan edi. Ol boıynsha, 2018 jyldyń 1 qazanyna deıin jınaqtalǵan qaryzdyń kelesi jyldyń aıaǵyna deıin tóleý kerek. Sonda kásipkerler barlyq aıyppuldar men ósimaqylardan bosatylady.

Salyqtyq raqymshylyq sharasynyń birinshi toqsandaǵy nátıjeleri boıynsha salyq tóleýshilerge 1 mlrd teńge ósimpuly keshirilgen.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT